ალენ დალესის გეგმა– რა შენიღბულ ფორმებს იყენებს აშშ ქვეყნების დასამონებლად (ვიდეო)

  ვისთვისაა საქართველოში სამაგიდო წიგნი ჯონ პერკინსის "ეკონომიკური მკვლელის აღსარება" და ვინ ხელმძღვანელობს "ალენ დალესის პროგრამით"

ფილმში აღწერილია თუ რა შენიღბულ ფორმებს იყენებს აშშ სხვა ქვეყნების დასამონებლად და საბოოლოოდ გასანადგურებლად.

90-იანი წლების დასაწყისიდან მოყოლებული, პოსტსაბჭოთა სივრცის პრესაში შიგადაშიგ ჩნდებოდა მასალები ე.წ. დალესის გეგმის შესახებ. კონკრეტულად მასში გადმოცემული იყო, როგორ უნდა მოეხდინათ საბჭოთა კავშირის შემადგენლობაში შემავალი ხალხის იდეოლოგიური დამუშავება და ამ სიტყვის სრული გაგებით მათი ბრბოდ გადაქცევა, რათა შემდგომში ისინი ადვილად ემართათ. ვინ იყო ალენ დალესი? მისი სახელი საბჭოთა კავშირში ცნობილი გახდა საკულტო სერიალის "გაზაფხულის ჩვიდმეტი გაელვების" ეკრანებზე გამოსვლის შემდეგ. ფილმის სიუჟეტის მიხედვით, მეორე მსოფლიო ომის დროს, როცა მისი ბედი ფაქტობრივად უკვე გადაწყვეტილი იყო, გერმანელი მაღალჩინოსნები, სეპარატიული ზავის დადების მიზნით, დალესთან კონტაქტში შედიოდნენ.

გასათვალისწინებელია ისიც, რომ ამ დროს ალენ დალესი ამერიკის შეერთებული შტატების პრეზიდენტის, ფრანკლინ რუზველტის ზურგსუკან მოქმედებდა. ამ პერიოდისთვის იგი აშშ-ის სტრატეგიული სამსახურის სამმართველოში ("ცერეუს" წინამორბედი სტრუქტურა) მსახურობდა. უფრო კონკრეტულად, 1952 წლის ბოლოდან _ 1945 წლის ჩათვლით, ბერნში (შვეიცარია) ამ უწყების სადაზვერვო ცენტრს ხელმძღვანელობდა. დალესი ამ სამსახურში საკმაოდ წარმატებულად მოღვაწეობდა. მან ძირითადად გერმანელი მაღალჩინოსანი დიპლომატი-ანტიფაშისტის, ფრიც კოლბეს მეშვეობით, უაღრესად ნაცისტური გერმანიის შესახებ, მნიშვნელოვანი ინფორმაციები მოიპოვა. 1945 წელს, დალესმა ამ მოლაპარაკებებში მნიშვნელოვანი როლი შეასრულა, რაც ჩრდილოეთ იტალიაში გერმანული არმიის კაპიტულაცით დასრულდა.


რაც შეეხება ზემოთ ნახსენებ სერიალს _ "გაზაფხულის ჩვიდმეტი გაელვება," ის რეალურ ფაქტებზეა აგებული. ოღონდ იმ განსხვავებით, რომ 1945 წლის მარტ-აპრილში ალენ დალესი გერმანული "ესეს"-ის ძალების სარდალთან, გენერალ ვოლფთან იტალიაში საიდუმლო მოლაპარაკებებს, საკუთარი ხელმძღვანელობის დავალებით აწარმოებდა და მხოლოდ და მხოლოდ ჩრდილოეთ იტალიაში გერმანული დაჯგუფების განიარაღებითა და ჩაბარების საკითხით შემოიფარგლებოდა. ამ დაჯგუფებამ კაპიტულაცია 1945 წლის 29 აპრილს გამოაცხადა.


1953 წელს, აშშ-ის პრეზიდენტმა დუაიტ ეიზენჰაუერმა ალენ დალესი "ცერეუ"-ს შეფად დანიშნა და იგი ამ პოსტზე 1961 წლის ჩათვლით იმყოფებოდა. ამ ორგანიზაციის ჩამოყალიბებაში ალენ დალესის დამსახურება ძალზე დიდია. მისი ხელმძღვანელობის დროს, ამ სტრუქტურამ დიდ წარმატებებს მიაღწია. სწორედ აქ ხდებოდა როგორც საიდუმლო ინფორმაციის შეგროვება და ანალიზი, ასევე საიდუმლო ოპერაციების დაგეგმვა და განხორციელებაც. სწორედ დალესის ხელმძღვანელობის პერიოდში მოხდა "უ-2" უპილოტო თვითმფრინავის პროგრამის განხორციელება და მისი ბერლინის კედლის ქვეშ მდებარე გვირაბის მეშვებით აღმოსავლეთ ბერლინის სატელეფონო ქსელზე მიერთება. რაც შეეხება საიდუმლო ოპერაციებს, აქ გარკვეული ჩავარდნებიც ჰქონდა.


იგი კუბის პრეზიდენტ ფიდელ კასტროზე წარუმატებელი თავდასხმის შემდეგ იძულებული გახდა თანამდებობას დამშვიდობებოდა. პენსიაზე გასვლის შემდეგ, მან მრავალი წიგნი და მოგონება დაწერა თავის მოღვაწეობაზე "ცერეუ"-ში. რაც შეეხება ჩვენს მიერ ზემოთნახსენებ "დალესის პროგრამას", მის პირველწყაროდ ზოგჯერ 1948 წლის 18 აგვისტოს საგარეო დაზვერვის # 20|/1 მემორანდუმიც სახელდება, რომელიც თავდაცვის მინისტრის ჯეიმს ფორესტოლის მოთხოვნით ანალიტიკურ დოკუმენტად მომზადდა საბჭოთა კავშირთან ამერიკის შეერთებული შტატების ურთიერთობათა ხანგრძლივვადიანი პოლიტიკის შესახებ.


თუმცა, როგორც ირწმუნებიან, ამ მემორანდუმს არც "ცერეუ"-სთან და ალენ დალესთან არაფერი აკავშირებს. ასეა თუ ისე, ამას დიდი მნიშვნელობა ნამდვილად არა აქვს. მთავარია, რომ ეს დოკუმენტი ნამდვილად არსებობს და მკითხველისთვის ალბათ საინტერესოა, რას ითვალისწინებდა "ალენ დალესის პროგრამა".


გთავაზობთ ამონაწერს ამ პროგრამიდან, რომელიც შვიდი პუნქტისგან შედგება:


1. ქვეყანაში ქაოსის დანერგვა. ანუ, მათი ნამდვილი ფასეულობების ყალბით შეცვლა. ეროვნული ღირებულებების შელახვა-შეცვლა და თან ვაიძულებთ სწამდეთ ეს სიყალბე.


2. ქვეყნის მმართველობაში შეუმჩნევლად შვქმნით ქაოსს და დაბნეულობას (ჩვენივე დახმარებით დანიშნული თანამდებობის პირების დახმარებით), რათა ვერავინ არკვევდეს სად თავია და სად ბოლო. აქტიურად შევუწყობთ ხელს ჩინოვნიკებისა და მექრთამეების თავნებობას.


3. პატიოსნება და წესრიგი დასაცინი და ზედმეტი უნდა გახდეს. უტიფრობა, თავხედობა, სიცრუე და ფლიდობა, ლოთობა და ნარკომანია, ხალხთა სამკვდროდ გადაკიდება ჩვეულებად გადაიქცევა.


4. მომრავლდება მკვლელობები, პროსტიტუცია. გადაშენების გზაზე დადგებიან ერები.


5. პერიოდულად გავათამაშებთ გრანდიოზულ ტრაგედიებს.


6. შეიქმნას სამუშაო ადგილების დეფიციტი, ე.ი. გაუქმდეს და განადგურდეს ფაბრიკა-ქარხნები, სოფლის მეურნეობა,დამკვიდრდეს ქვეყანაში ეგრეთწოდებული საბაზრო ეკონომიკა, რაც გამოიწვევს ქვეყნის ეკონომიკურ დაკნონებას, ხალხის მასების დამშევა-გამათხოვრებას.


7. ქვეყნის ხელისუფლება გაყიდის ყოველგვარ ფასეულს, ქარხნებს, ფაბრიკებს, შენობებს, მიწის ეგრეთწოდებული პრივატიზაციის სახით. ერის ძირითად მასას აღარ დარჩება საცხოვრებელი მინიმუმი-საშუალება, რაც გამოიწვევს ერისა და ქვეყნის სრულ დამოკიდებულებას ჩვენს მმართველობაზე. ათვისებული ქვეყნის ტერიტორიას გამოვიყენებთ ჩვენივე მიზნების განსახორციელებლად.


როგორც ხედავთ, ყოველივე ზემოთქული, პოსტსაბჭოთა ქვეყნებში და განსაკუთრებით ჩვენს ტურფა საქართველოში, სოროსელთა დახმარებით წარმატებით ხორციელდება.


და კიდევ: საქართველოში გამალებულები აგებენ გზებს და ხიდებს აშენებენ. ბევრს ალბათ უჩნდება კითხვა, რატომ იხარჯება მილიონები ამაზე, როცა ქვეყნის მაცხოვრებელთა აბსოლუტური უმრავლესობა შიმშილის ზღვარზეა. განა არ აჯობებდა, ხელისუფლებას ის მილიონები, რაც უსახური ნაგებობების, თუნდაც ბოლო ხანს მტკვარზე უადგილო ადგილას აგებული "მშვიდობის ხიდად" წოდებულ უსახური ქმნილებაზე იხარჯება (რომელსაც ხალხმა "ოლვეის ულტრა" შეარქვა), უპოვართა გამოსაკვებად დაეხარჯა? რამხელა ცინიზმია! ესეც იმ გეგმის ნაწილია, რომელიც `ცერეუ"-ში თავის დროზე შეიმუშავეეს.


იყო ასეთი პიროვნება, ჯონ პერკინსი, რომელიც "ცერეუ"-ს საიდუმლო განყოფილებაში მსახურობდა და სწორედ ამ საკითხზე მუშაობდა. პენსიაზე გასვლის შემდეგ მან დაწერა წიგნი სახელმწოდებით "ეკონომიკური მკვლელის" აღსარება". ეს არის ავტობიოგრაფიული წიგნი, სადაც აღწერილია განსაკუთრებით გასაიდუმლოებული ჯგუფის, "ეკონომიკური მკვლელების" ცხოვრებაზე და მათი საქმიანობის მეთოდების მომზადებაზე, რომლებიც მოწოდებულნი არიან აშშ-ისთვის ეკონომიკურად საინტერესო ქვეყნების უმაღლეს პოლიტიკურ ლიდერებთან იმუშაონ. ევროპაში ბესტსელერად ქცეულ ამ წიგნში პერკინსი აღწერს მსოფლიო ეკონომიკის იმ საიდუმლოებებს, რომლებიც საკმაოდ უცნაურად ცვლის ჩვენს ცხოვრებას. გზებზე ასფალტების დაგება და ის ყველაფერი, რასაც საქართველოში "აღმშენებლობას" ეძახიან, პერკინსის მტკიცებით, სწორედ ამ გეგმის ნაწილია და დიდი ფულიც "ტყდება".


პერკინსის განმარტებით, მსოფლიოში, აშშ-ის ინტერესების სფეროში მყოფი ქვეყნები, ირჩევენ ისეთ მართვად ლიდერებს, რომლებიც მხოლოდ და მხოლოდ მათ "დაკრულზე იცეკვებენ" და საკუთარი ხალხის საკეთილდღეოდ არაფერს გააკეთებენ.


მისივე მტკიცებით, ის, ვინც მათ წინააღმდეგობას გაუწევს და საკუთარ ხალხზე იზრუნებს, უბრალოდ, ფიზიკურად მოიშორებენ. ეს სისტემა დღეასც რომ მოქმედებს ამის დასამტკიცებლად შორს წასვლა ნამვდვლად არ გვჭირდება: გახედეთ ცა-ფირუზ-ხმელეთ-ზურმუხტ საქართველოს!


http://geotimes.ge/index.php?m=home&newsid=2731

http://www.geworld.ge/ViewGE.php?G=8058&lang=ge&Title=%E1%83%90%E1%83%9A%E1%83%94%E1%83%9C+%E1%83%93%E1%83%90%E1%83%9A%E1%83%94%E1%83%A1%E1%83%98%E1%83%A1+%E1%83%92%E1%83%94%E1%83%92%E1%83%9B%E1%83%90%E2%80%93+%E1%83%A0%E1%83%90+%E1%83%A8%E1%83%94%E1%83%9C%E1%83%98%E1%83%A6%E1%83%91%E1%83%A3%E1%83%9A+%E1%83%A4%E1%83%9D%E1%83%A0%E1%83%9B%E1%83%94%E1%83%91%E1%83%A1+%E1%83%98%E1%83%A7%E1%83%94%E1%83%9C%E1%83%94%E1%83%91%E1%83%A1+%E1%83%90%E1%83%A8%E1%83%A8+%E1%83%A5%E1%83%95%E1%83%94%E1%83%A7%E1%83%9C%E1%83%94%E1%83%91%E1%83%98%E1%83%A1+%E1%83%93%E1%83%90%E1%83%A1%E1%83%90%E1%83%9B%E1%83%9D%E1%83%9C%E1%83%94%E1%83%91%E1%83%9A%E1%83%90%E1%83%93+(%E1%83%95%E1%83%98%E1%83%93%E1%83%94%E1%83%9D)