ღმერთი

ღმერთი

понедельник, 25 декабря 2017 г.

ნადირობა - მორის ფოცხიშვილი

ჭალაში ბალანაშლილი
თეთრი სეტერი ქრის...
მწყერი ბალახში წრიალებს,
აფრინდება და... ფრრი...

სანამდე არ აფრინდება,
არავინ ერჩის მწყერს.
ვაიმე, ჩემი სიცოცხლეც
იქნებ ასეა დღეს.

ვიდრე მიწაზე დავდივარ,
ყველა სიკეთეს მგვრის,
- ავფრინდები და... ვაიმე...
ავფრინდები და ფრრი...

ტყვიაც იწივლებს შურისა,
მთლად მიმიმსხვრევენ ფრთებს,
სანამდე არ აფრინდება,
არავინ ერჩის მწყერს.

შავი საფანტი ირევა...
თეთრი სეტერი ქრის...
მე მაინც უნდა ავფრინდე,
- ავფრინდები და... ფრრი...






Комментариев нет:

Отправить комментарий