ღმერთი

ღმერთი

пятница, 11 декабря 2020 г.

მოდის 2021 წელი, ფეხბედნიერი ყოფილიყოს..............................







                                                                            
 

როგორი იქნება 2021, თეთრი ხარის წელი თითოეული ნიშნისთვის - ასტროლოგიური პროგნოზი

 

როგორი იქნება 2021, თეთრი ხარის წელი თითოეული ნიშნისთვის - ასტროლოგიური პროგნოზი
ძალიან მალე ვირთხის წელს ხარის წელი შეცვლის. აუჩქარებელი, თავდაჯერებული და შრომისმოყვარე თეთრი ხარი თეთრ ვირთხას შეენაცვლება. ასტროლოგების თქმით, მშვიდი წელი იქნება, რომელიც შრომაში გაივლის - საკუთარ თავზე მუშაობაში, ურთიერთობებზე მუშაობაში და ასევე ფიზიკურ შრომაში. რასაც ამ წელში ჩადებთ, გაორმაგებული დაგიბრუნდებათ შემდეგში. ხარს უყვარს სამართლიანები და პასუხისმგებლობის მქონე, მშრომელი ადამიანები. 
დაუთმეთ დრო საკუთარ თავს, ოჯახს და საქმეს.

ექსპერტები აღმოსავლური ჰოროსკოპის ყველა ნიშნისთვის აკეთებენ პროგნოზს, თუ როგორი წელი ექნებათ და როგორ შეიცვლება მათი პრიორიტეტები. 

ვირთხა

ვირთხის წელში დაბადებულ ადამიანებს 2021 წელი ბევრ კარგ და დადებით საქმეს მოუტანს, თუ ისინი ცოდნისმოყვარეობას გამოავლენენ და თავს ხიფათში არ ჩაიგდებენ. წლის დასაწყისში ფინანსურ სფეროს უნდა მიაქციოთ ყურადღება. თუ დანაზოგს დააგროვებთ, ეს წინდახედული ნაბიჯი იქნება. წლის მეორე ნახევრიდან საქმე უკეთესად წავა. მნიშვნელოვანია, რომ მეტი დრო გაატაროთ ოჯახის წევრებთან და დაამყაროთ საქმიანი კონტაქტები.

ხარი

ხარის წელში დაბადებულ ადამიანებს ეს წელი საოცარ და ნათელ დღეებს ჰპირდება, თუ ბედის ნიშნების უგულებელყოფას არ დაიწყებთ და ინოვაციებს არ შეეწინააღმდეგებით. 2021 წელს ხარისთვის ყველა გზა ხსნილი იქნება, თუმცა, მნიშვნელოვანია ჯერ ფინანსური პრობლემების მოგვარება, ხოლო შემდეგ პირადი კეთილდღეობის მოწყობა. წლის დასაწყისში ახალი კარიერისა თუ ბიზნესის დაწყებისას, ხარის წელში დაბადებული ადამიანები მალევე იგრძნობენ შედეგებს.

ვეფხვი

2021 წელს ვეფხვის წელში დაბადებულმა ადამიანებმა ახალი გეგმების
განხილვა არ უნდა დაიწყონ. ახალი იდეებისათვის ზამთრის პერიოდი უფრო შესაფერისია, რომ თქვენი არც ერთი გეგმა არ ჩაიშალოს. გაზაფხულის პერიოდში ვეფხვებს სასიყვარულო ურთიერთობებში გაუმართლებთ, თუმცა სიჯიუტე უარყოფით როლს ითამაშებს. შემოდგომა და წლის ბოლო თვეები საქმიან ურთიერთობებს დაეთმობა. ასევე, მნიშვნელოვანია ბიზნესის ყურადღებით მონიტორინგი, რომ არ დაზარალდეთ.

კურდღელი

კურდღლის წელში დაბადებული ადამიანები 2021 წელს მომზადებულები უნდა შეხვდნენ, რადგან პირველ ადგილზე დიპლომატია და მოქნილობა იქნება, რაც ხელს შეუწყობს გარემოსთან ადაპტირებასა და სარგებლის მიღებას. ყურადღება და სიფრთხილე არ მოგცემთ შესაძლებლობას, რომ მანიპულატორი ადამიანების წრეში მოხვდეთ.

დრაკონი

ასტროლოგები დრაკონის წელში დაბადებულ ადამიანებს ურჩევენ, რომ საკუთარ ხასიათს მიჰყვნენ. გამარჯვებისკენ სწრაფვა, პასუხისმგებლობა და ნებისმიერ სირთულესთან გამკლავების უნარი ბევრჯერ დაგეხმარებათ, რომ პრობლემურ სიტუაციას თავი დააღწიოთ. ყურადღების მიღმა არ უნდა დაგრჩეთ პირადი ცხოვრება. ოჯახური კავშირი ერთგვარი საყრდენი იქნება. ხოლო მეორე ნახევართან შესახვედრად დიდხანს ლოდინი არ მოგიწევთ, თუ საკუთარ მომხიბვლელობასა და მახვილგონიერებას გამოიყენებთ.

გველი

გველის წელში დაბადებული ადამიანები 2021 წელს სირთულეებს უფრო მარტივად დაძლევენ, თუ წინასწარ იქნებიან მზად აქტიური მუშაობისთვის. 2021 წელი იქნება ძირითადი ფუნდამენტი, რაზეც გველის წელში დაბადებული ადამიანები დააშენებენ ყველა საჭიროებას: ოჯახი, კეთილდღეობა, მეგობრები და საყვარელი საქმიანობა. რაც უფრო მეტ შრომასა და ძალისხმევას გასწევთ იანვრიდან მარტამდე, უფრო მარტივი იქნება მთელი წელი.

ცხენი

ცხენის წელში დაბადებული ადამიანებისათვის 2021 წელი უფრო მშვიდი იქნება, ვიდრე წინა წელი. შრომისმოყვარეობის წყალობით ახალ წელს ბევრ რამეს მიაღწევთ, ისიამოვნებთ მეგობრებთან და ოჯახის წევრებთან ურთიერთობით. ცხენის წელში დაბადებულ მარტოხელა ნიშნებს კი მოუწევთ, რომ საყვარელი ადამიანებისათვის იბრძოლონ. ამ ნიშნის ქვეშ დაბადებულ ადამიანებს ყოველთვის შეუძლიათ დროში გამოცდილ მეგობრებს დაეყრდნონ, მაგრამ არ უნდა დაგავიწყდეთ, რომ დახმარებას თქვენც უნდა უპასუხოთ.

თხა

თხა მზად უნდა იყოს, რომ საკუთარი ბედნიერება მოითხოვოს. წლის დასაწყისში უთანხმოება გექნებათ საქმიან ურთიერთობებში, თუმცა კომპრომისზე წასვლა და ასევე, საკუთარი თავის პატივისცემა დაგეხმარებათ, რომ პრობლემები გადაჭრათ. შთაგონება გაზაფხულისთვის მოვა და მაშინ თამამი იდეების განხორციელების შესაძლებლობა გექნებათ. ასევე, უკეთესობისკენ შეიცვლება თქვენი პირადი ცხოვრება. გაჩნდება ახალი სასიყვარულო თავგადასავალი ან ოჯახში ჰარმონიული ურთიერთობა გექნებათ.

მაიმუნი

2021 წელს ამ ადამიანებს კარიერულ კიბეზე ასვლის შანსი ექნებათ, თუ ახალი ცონის მიღების შესაძლებლობას არ უგულებელყოფენ. წლის დასაწყისში კი ამისთვის კარგი პერიოდი გექნებათ. პირად ცხოვრებაში არ არის გამორიცხული, რომ უთანხმოება გქონეთ, თუმცა მორიგებაც შესაძლებელია. ასტროლოგები გვირჩევენ, რომ დეტალების მიმართ უყურადღებობა და ცხოვრებაში არსებული ურთიერთობების უგულებელყოფა დავივიწყოთ.

მამალი

მამლის წელში დაბადებულ ადამიანებს შესაძლებლობა ექნებათ პროფესიული და ფინანსური კეთილდღეობით დატკბნენ, თუ წლის დასაწყისში შრომისმოყვარეობას გამოავლენენ და საკუთარ მოვალეობებს კარგად შეასრულებენ. 2021 წელი უღრუბლო ზეცას არ გპირდებათ, მაგრამ მამლები სირთულეების გადალახვას შეძლებენ, თუ ყურადღებით იქნებიან და ასევე, თუ დახმარებაზე უარს არ იტყვიან.

ძაღლი

ახალი წლის დასაწყისში ძაღლებს აქტიური სამუშაო ექნებათ, რაც შედეგს გაზაფხულისთვის მოიტანს. საქმიანი ურთიერთობები და მომგებიანი პარტნიორობა არაერთხელ დაგეხმარებათ. ურთიერთობების სფეროში წელი წარმატებული არ იქნება, მაგრამ არ იდარდოთ. ოჯახში ჰარმონიის დამყარებასა და მეორე ნახევრის პოვნას შეძლებთ, თუ არ იჩქარებთ და თავისუფლებისთვის პოზიტიურ ემოციას გამოიყენებთ.

ღორი

ღორის წელში დაბადებული ადამიანები 2021 წლისთვის ახალ საქმიან და წარმატებულ ურთიერთობებს შეიძლება გეგმავდნენ, თუმცა ამისათვის საკუთარ შესაძლებლობებში არ უნდა დაეჭვდნენ და უარი არ უნდა თქვან შემოთავაზებებზე. ეს წელი წარმატებული იქნება მათთვის, ვისაც ცვლილებების, ინოვაციებისა და აქტიურად მუშაობის არ ეშინია. პატიოსნება, დათმობაზე წასვლისა და დანაპირების შესრულების უნარი ყოველი ფეხის ნაბიჯზე დაგეხმარებათ.

ახალი 2021 წელი მარტივი არ იქნება, თუმცა თქვენ დროდადრო შეგეძლებათ დაძლიოთ სირთლეები, გახსნათ ახალი შესაძლებლობები და გამოიყენოთ საკუთარი ცოდნა წარმატების მისაღწევად.
mshoblebi.ge

რომელი ნიშნებისთვის იქნება ყველაზე წარმატებული 2021 წელი - პროგნოზი ზოდიაქოს 12 ნიშნისთვის

რომელი ნიშნებისთვის იქნება ყველაზე წარმატებული 2021 წელი - პროგნოზი ზოდიაქოს 12 ნიშნისთვის
2021 წელს თეთრი ხარის წელი იქნება. თეთრი ხარი მიზანსწრაფულობის, შედეგებზე ორიენტირებულობისა და შრომისმოყვარეობის სიმბოლოა. თუმცა, ჰოროსკოპი კიდევ ერთხელ გაფრთხილებთ: იმისათვის, რომ საქმე ცუდად არ წავიდეს, ზედმეტად ნუ დაემორჩილებით თქვენს ემოციებს.

მეტალის თხა

ასტროლოგიაში არსებობს განსაზღვრება "თხის რქის საზღვარი", რომელიც 2019 დან 2021 წლამდე პერიოდს მოიცავს. ამ პერიოდის დასასრულს "დიდ მუტაციას" უწოდებენ. საუბარია ვირთხის ტრანსფორმაციაზე, რომელმაც ახალი შესაძლებლობები მოგცათ კარიერაში, სიყვარულსა თუ თავგადასავლებში. ეს ტრანსფორმაცია ხარზე აისახება. ხარი კი შრომისმოყვარეობით გამოირჩევა და მომხდარ ამბებზე მკვეთრად რეაგირებს. ეს მისი სისუსტეა, ამიტომ, 2021 წელს ზედმეტი ემოციებისგან უნდა გათავისუფლეთ და სიმშვიდე შეინარჩუნოთ, წინააღმდეგ შემთხვევაში, რაც დაგეგმილი გაქვთ, შედეგს არ მოიტანს.

2021 წელი კომფორტული წელია ბიზნესისთვის, განსაკუთრებით ამ სფეროში დამწყები ადამიანებისათვის. მარტოხელა ადამიანები ბოლოს და ბოლოს შეხვდებიან იმას, ვისაც ელიან და ეტყვიან, რომ უყვართ. ხოლო ისინი, ვისაც უკვე ჰყავთ პარტნიორი, უფრო მარტივად შეძლებენ საერთო ენის გამონახვას. მთავარია გახსოვდეთ, რომ დათმობასა და დიალოგზე წასვლა ზოგჯერ აუცილებელია. სხვა შემთხვევაში, თქვენი ურთიერთობა დასრულდება.

ასტროლოგები დარწმუნებულები არიან, რომ 2021 წლის დასაწყისი, იანვარი და თებერვალი, საუკეთესო შესაძლებლობაა ხელმძღვანელებთან და კოლეგებთან დასაახლოებლად. 2021 წელი ბევრ საქმეს გპირდებათ. წლის პირველ ნახევარში უფრო მეტად პროდუქტიულები იქნებით, მაგრამ მნიშვნელოვანია, რომ წლის მეორე ნახევარში დასვენება მოასწროთ. წინააღმდეგ შემთხვევაში, სტრესი და დაღლილობა
იჩენს თავს.
ასტროლოგები ამბობენ, რომ 2021 წელი ცვლილებების წელია, თუმცა მხოლოდ ერთ ადგილზე ჯდომა და სასწაულის მოლოდინი არ გაამართლებს. გულმოდგინება და მონდომება კი ამ წლის მთავარი სიმბოლოა.

ოჯახი და ჯანმრთელობა

2021 წელს ყველაზე მეტი დრო ბავშვებთან ურთოერთობას დაუთმეთ, ხოლო ოჯახის გაფართოების გეგმა ცოტახნით გადადეთ. ოჯახის წევრები თქვენს თითოეულ სიურპრიზსა თუ ინიციატივას დააფასებენ.
2021 წელს თქვენი ჯანმრთელობა თქვენსავე ხელში იქნება, ამიტომ ყურადღებით უნდა დააკვირდეთ თითოეულ დეტალს. განსაკუთრებული ყურადღება კი მორალურ ჯანმრთელობას უნდა დაუთმოთ, რადგან სწორედ მასზე იქნება დამოკიდებული თქვენი კეთილდღეობა. სხვა სიტყვებით რომ ვთქვათ, 2021 წელი მენტალური ჯანმრთელობის გაჯანსაღებისთვის უნდა გამოიყენოთ. შესაძლებელია დაკავდეთ იოგით ან მედიტაციით. ეს სტრესის დონეს შეამცირებს.

კარანტინი და კორონავირუსი

ასტროლოგი ელენა ბატირი დარწმუნებულია, რომ კორონავირუსი 2,5 წელი ისევ აქტიური იქნება. 2021 წლის გაზაფხულზე შესაძლებელია სიტუაცია გაუმჯობესდეს, მაგრამ ეს კაცობრიობის ადაპტაციის უნარით აიხსნება.
"კარანტინი და კორონავირუსი მინიმუმ 2,5 წელი გაგრძელდება. გაზაფხული შედარებით მარტივი იქნება. ჩვენ ნელ-ნელა ვეჩვევით ამ ვირუსს. ხოლო სიახლეები სექტემბრიდან დაიწყება. შესაძლებელია სამედიცინო სფეროში გარკვეული მიღწევები იყოს, ამ მიმართულებით. კორონავირუსის წინააღმდეგ სამკურნალო პრეპარატი არა, მაგრამ მნიშვნელოვანი სიახლეები იქნება, რაც აქამდე არ ვიცოდით",- თქვა ბატირმა.

ვერძი - 2021 წლის ჰოროსკოპი

mshoblebi

2021 წელი ვერძებისთვის პოზიტიური სიახლეებით დაიწყება და წარმატება მთელი 12 თვის განმავლობაში გაგრძელდება. ჰოროსკოპის მიხედვით თუ ვიმსჯელებთ, მეგობრული და სასიყვარულო ურთიერთობები უკეთესობისკენ შეიცვლება. 2021 წლის შუა პერიოდში ახალი გამოწვევები გაჩნდება კარიერაში. გამკლავება უარყოფითი ემოციების კონტროლით შეგიძლიათ, თუმცა, ეს ყოველთვის ეფექტური ვერ იქნება.
შემოდგომიდან გარკვეული სირთულეები იქნება და წლის ბოლოსკენ ვერძები საკუთარ თავს იპოვნიან.

კურო - 2021 წლის ჰოროსკოპი

mshoblebi

ვარსკვლავები გვპირდებიან, რომ 2021 წელი კუროს პროფესიული გეგმების შესრულებაში დაეხმარება. ზოდიაქოში ნათქვამია, რომ ამ წელს კუროებს პირადი და კარიერული წარმატება ექნებათ. შემოქმედებითი გზით შეუძლიათ გარკვეული სირთულეების დაძლევა და ამით თავადაც კმაყოფილები იქნებიან.
2021 წელს კუროსთვის ისევ გამოწვევად რჩება საკუთარი თავის პოვნა, რაც მათ ძალიან ტანჯავს. ამიტომ, წლის განმავლობაში ზოგჯერ გაურკვევლობის განცდა გექნებათ.

ტყუპები - 2021 წლის ჰოროსკოპი

mshoblebi

ტყუპებისთვის 2021 წელი განსაკუთრებული პერიოდია. წარმოუდგენელი წარმატება და მხოლოდ უმნიშვნელო პრობლემები იქნება მათ ცხოვრებაში. 2021 წელი დიდხანს ნანატრი დროა ამ ნიშნისთვის, რადგამ ის ბოლოს მოუღებს ყველა პრობლემას და საშუალებას მოგცემთ, ბევრი რამ თავიდან დაიწყოთ.
ტყუპებისთვის გაიხსნება წინასწარმეტყველების არხი, თუმცა პირად ცხოვრებაში ფრთხილად უნდა იყვნენ. უმჯობესია, თუ საყვარელი ადამიანების მიმართ უფრო მეტ ზრუნვას გამოიჩენთ.

კირჩხიბი - 2021 წლის ჰოროსკოპი

mshoblebi

როგორც ასტროლოგები ამბობენ, კირჩხბებისთვის 2021 წელი უხალისოდ დაიწყება. სატურნის შესვლა თხის რქის ნიშანში შესაძლებლობას არ მოგცემთ, რომ მოდუნდეთ და მოვლენებს ასე გაჰყვეთ. აუცილებლად მოგიწევთ გარკვეული ძალისხმევის გაღება წარმატებისთვის. ასევე, სატურნი სიმტკიცისა და უარის თქმის უნარით დაგაჯილდოვებთ. 2021 წელი გარკვეული სირთულეებით დაიწყება, თუმცა თქვენი ადამიანური თვისებები ყველა პრობლემის მოგვარებაში დაგეხმარებათ.

ლომი - 2021 წლის ჰოროსკოპი

mshoblebi

ლომებისთვის 2021 წელს მნიშვნელოვანია, რომ მიღებული გადაწყვეტილებების მიმართ ნდობა გამოიჩინონ. ეს სიმტკიცე ბევრ საკითხზე მოახდენს გავლენას. შეუპოვრობა რადიკალური გადაწყვეტილებების მიღებაში დაგეხმარებათ, რაც დადებითად აისახება თქვენს ცხოვრებაზე. ჰოროსკოპის მიხედვით, 2021 წელს ლომებს გაუმართლებთ, რადგან ღრმა ემოციურ კავშირს იგრნობენ მათგან, ვინც უყვართ. ასტროლოგები გირჩევენ, რომ ნერვებს გაუფრთხილდეთ და სიმშვიდე შეინარჩუნოთ, რადგან 2021 წელი მარტივი არ იქნება.

ქალწული - 2021 წლის ჰოროსკოპი

mshoblebi

ქალწულებისთვის 2021 წელი მოულოდნელობებითა და პოზიტიური სიახლეებით იქნება სავსე. კრეატიულობა და ენთუზიაზმი ყველა საქმეში თან გდევთ. ქალწულებს 2021 წელს ცხოვრებისადმი ინტერესი კიდევ უფრო გაუმძაფრდებათ, განსაკუთრებით კი ეს ხელოვანი ქალწულებისთვის იქნება მნიშვნელოვანი. ეს წელი ახალი იდეების დაბადების წელია თქვენს ცხოვრებაში.
"ქალწულებს ყველაფერი კარგად აქვთ. ერთადერთი, საცხოვრებლის თემა შეუქმნით გარკვეულ სირთულეს"- ამბობენ ასტროლოგები.

სასწორი - 2021 წლის ჰოროსკოპი

mshoblebi

ჰოროსკოპის მიხედვით თუ ვიმსჯელებთ, სასწორისთვის მომავალი წელი ყველაზე წარმატებული იქნება. სატურნისა და იუპიტერის გადასვლა ორმაგ ენერგიას მიანიჭებს და ხელს შეუწყობს კეთილგანწყობის მოპოვებასა და იგრვლივ მყოფთათვის ურთიერთობა უფრო სასიამოვნი იქნება. ზოგჯერ მოგიწევთ, რომ გარკვეული ნიღაბი მოირგოთ, მაგარამ ეს ყოველთვის ცუდი არ არის. შედეგი არ დაგაღალატებთ. თუმცა, შესაძლოა დაუდევრობამ გარკვეული პრობლემები შეგიქმნათ. თავიდან მიღებული გადაწყვეტილებები უფრო გაამართლებს.

მორიელი - 2021 წლის ჰოროსკოპი

mshoblebi

ჰოროსკოპის მიხედვით, 2021 წელს მიღებული გადაწყვეტილებების შედეგი ზოგ შემთხვევაში ბუნდოვანი იქნება. ამასთანავე, მორიელები ენერგიულები, მამაცები და გადაწყვეტილებების მარტივად მიმღებნი იქნებიან. ამ ნიშანს შეუძლია დადგეს მტკიცედ მაშინ, როცა იცის, რომ ძალისხმევა შედეგს გამოიღებს. ეს დამოკიდებულება გავლენას მოახდეს როგორც ფინანსურ, ასევე პირად ურთიერთობებზე. შესაძლოა ბევრი მოგზაურობა იყოს თქვენს ცხოვრებაში, რაც სტრესსა და ზედმეტ დაძაბულობას აგარიდებთ. ამავე დროს, როგორც ასტროლოგები ამბობენ, უმჯობესია მორიელები პოზიტივის მიმართ ცოტა უფრო ფრთხილად იყვნენ.
"მორიელებისთვის ძალიან დიდი სიხარული და გართობა შესაძლოა კარგად არ დასრულდეს, ამიტომ, ფრთხილად იყავით, თუ სადმე დასასვენებლად დაგეგმავთ წასვლას."- ამბობენ ასტროლოგები.

მშვილდოსანი - 2021 წლის ჰოროსკოპი

mshoblebi

ასტროლოგები მშვილდოსნებს 2021 წელს ბევრ სიურპრიზს უწინასწარმეტყველებენ. წარმატებასთან ერთად იღბალიც თანმდევი იქნება. დადებითი ცვლილებები განსაკუთრებით განათლებაზე იმოქმედებს და სასწავლო პროცესს უფრო ეფექტურსა და შედეგიანს გახდის. ასტროლოგები ამბობენ, რომ მშვილდოსნები 2021 წელს მოახერხებენ და ყველა საქმეს გაუმკლავდებიან. ნეგატიურ ემოციებს დაძლევენ და შეძლებენ, უკეთესად მართონ თავიანთი ცხოვრება.

თხის რქა - 2021 წლის ჰოროსკოპი

mshoblebi

თხის რქებს დაუვიწყარი და ღირებული გამოცდილებები ელით 2021 წელს. მთელი 12 თვე პროდუქტიული იქნება. ცვლილებები დადებით გავლენას მოახდენს მათ მომავალზე. მყისიერი გადაწყვეტილებები კი პოზიტიურ შედეგს მოუტანს თითოეულ მათგანს. ასტროლოგები ამბობენ, რომ წლის დასაწყისი თხის რქებისთვის შედარებით რთული იქნება. ეს განსაკუთრებით ფინანსურ სფეროს ეხება, თუმცა დანარჩენ თვეებში სიტუაცია უფრო მარტივი იქნება.

მერწყული - 2021 წლის ჰოროსკოპი

mshoblebi

მერწყულებს გაუმართლებთ და 2021 წელს ძალიან მნიშვნელოვან ახალ გამოცდილებას შეიძენენ. თავდაპირველად, შესაძლოა რთული და სტრესული სიტუაცია გქონდეთ და არ გიმართლებდეთ. ამიტომ, მოგიწევთ, რომ ბევრი ცვლილება დაგეგმოთ, თუმცა ეს ცვლილებები არ უნდა იყოს სპონტანური. ხარს სიჩქარე არ უყვარს. ჯობს კარგად დაფიქრდეთ, ცოტა დაელოდოთ და ნელ-ნელა გაიუმჯობესოთ თქვენი ცხოვრება.
"მთელი წელი კარგი წელი იქნება მერწყულებისათვის. ფული, ჯანმრთელობა და მოგზაურობა დადებით გავლენას მოახდენს."- ამბობენ ასტროლოგები.

თევზები - 2021 წლის ჰოროსკოპი

mshoblebi

თევზებისთვის მომავალი წელი არაერთგვაროვანი იქნება. ჰოროსკოპის მიხედვით, მიღებული გადაწყვეტილებების შედეგი ორაზროვანი იქნება. მკვეთრი ცვლილებები მოსალოდნელი არ არის, მაგრამ სტაბილური პროგრესი შეინიშნება. თევზებს უბრალოდ დალოდება მოუწევთ. 2020 წელს მნიშვნელოვანი გამოცდილება შეიძინეს, 2021 წელს კი ეს უნარები ახალი ნაცნობების გაჩენასთან, მოგზაურობასა და სხვა სასიამოვნო მოულოდნელობასთან იქნება დაკავშირებული. მაგრამ, რთულ მომენტებს ვერ გაექცევით. ასტროლოგები ამბობენ, რომ თევზებისთვის 2021 წელი რთული იქნება იმ თვალსაზრისით, რომ საქმიანი ურთიერთობების გადაწყვეტას ვერ შეძლებენ. ამიტომ, კარგად დაფიქრება მოგიწევთ, რას გააკეთებთ და სად წახვალთ. თითოეული ნაბიჯი უნდა გაიაზროთ.

ასტროლოგების წინასწარმეტყველების მიუხედავად, ნუ დაგავიწყდებათ ინდივიდუალური, ადამიანური ურთიერთობები. ყველა ადამიანი არ ჰგავს ზოდიაქოს ნიშანს, ამიტომ ხშირად ისინი სულ სხვანაირად იქცევიან და შესაძლოა, მათი ქცევა საერთოდაც არ შეესაბამებოდეს ვარსკვლავების წინასწარმეტყველებას.
mshoblebi.ge

როგორ შევხვდეთ 2021 წელს, რომ იღბლიანი იყოს ჩვენთვის - როგორ მოვაწყოთ სახლი და სუფრ

 


თეთრი ხარის წელი ბევრ მოულოდნელობას, სიახლეს და სიკაშკაშეს გვპირდება. შეგახსენებთ, რომ აღმოსავლურ კულტურაში თეთრი ფერი სიწმინდის, სიკეთის და სამართლიანობის სიმბოლოა.


რა უნდა ვიცოდეთ კიდევ 2021 წლის შესახებ?


ნიშნის დახასიათება

2021 წელს თეთრ ვირთხას თეთრი ხარი ჩაანაცვლებს. დიდი ცვლილებების წელი იქნება. ამ წელს შესაძლებელი იქნება ყველაფერი იმის გაკეთება, რაზეც თითოეულ ჩვენგანს უოცნებია. ხარი დინჯი, მადლიერი ცხოველია, თუმცა, საჭიროების შემთხვევაში, არც აქტიურობაზე ამბობს უარს, მოქმედებს სწრაფად და მიზანმიმართულად.

თეთრი ხარის წელიწადში დაფასდება ისეთი თვისებები, როგორიც არის ერთგულება, პატიოსნება და მოთმინება. ვისაც ეს

თვისებები არ გააჩნია, შესაძლოა ხარის რქების მსხვერპლად იქცეს.

ხარი შრომისმოყვარე ცხოველია და ამ თვისებას სხვებშიც აფასებს. ხარის წელი ყველაზე ხელსაყრელია პერიოდია კარიერაში წინსვლისთვის.

ამ წელს განსაკუთრებული ყურადღება უნდა დაუთმოთ ოჯახს, კარგი პერიოდია ოჯახის შესაქმნელად და განსამტკიცებლად.


როგორ მივიზიდოთ იღბალი

ამბობენ, რომ თილისმის გარეშე შორს ვერ წავალთ. იდეალური იქნება, თუ ის თეთრი ლითონისგან იქნება დამზადებული. შეგიძლიათ ხარის გამოსახულებიანი გულსაბნევი ან საყურე ატაროთ, სახლში კი უბრალოდ ხარის ფიგურა იქონიოთ.

ტრადიციის მიხედვით, ახალი წლის წინ კარგი იქნება სახლის გენერალურად დალაგება და ძველი ნივთების თავიდან მოშორება. ეცადეთ, სახლი ახალი ენერგიით დ

ამუხტოთ.


როგორ და სად შევხვდეთ ხარის წელს

ხარს არ უყვარს პირფერობა, ფუფუნება და კუდაბზიკობა, ის უბრალო, შრომისმოყვარე და სამართლიანი ცხოველია, ამიტომ ეცადეთ ამ წელს ოჯახთან და ნათესავებთან ერთად სახლში შეხვდეთ. აქტუალური იქნება თეთრი ან ღია, თეთრთან მიახლოებული ფერები. კარგი იქნება ბრჭვიალა აქსესუარებიც. ასტროლოგები გირჩევენ, ახალი წლის ღამის სცენარი კარგად მოიფიქროთ, წინასწარ დაგეგმოთ ყველა დეტალი, თუ საჭიროა, მონახაზი ფურცელზეც კი გააკეთოთ. ამ საღამოს კარგი იქნება ასევე სხვადასხვა საოჯახო თამაშის დაგეგმვა. რაღა თქმა უნდა, საჩუქრების გაცვლა ოჯახის წევრებს შორის.


რა ჩავიცვათ

ხარს ამ წლის სომბოლურ ფერებში უნდა დავხვდეთ. ამჯერად, როგორ უკვე აღვნიშნეთ, აქტუალური იქნება ღია ფერები. სამოსის შერჩევის დროს თამამად შეაჩერეთ არჩევანი თეთრ და ღია ფერის ტანსაცმელზე, ისეთზე, როგორიც არის ხორცისფერი, სპილოს ძვლისფერი, შესქელებული რძისფერი. კარგი იქნება, თუ ნაჭერი ცოტა პრიალა იქნება. გახსოვდეთ, დამდეგი წელი ლითონის ხარის წელია. აუცილებელია აქსესუარებიც. ეს ეხება როგორც ქალბატონებს, ისე მამაკაცებს.

პირველ რიგში, რა თქმა უნდა, ყურადღება გაამახვილეთ საყურეებსა და სამაჯურებზე. იდეალური იქნება მასიური და თეთრი ლითონის ბიჟუტერია.


როგორ მოვრთოთ სახლი

დამდეგ წელს ბევრი საერთო აქვს წინა წელთან, ხარს არ უყვარს მყვირალა და კაშკაშა ფერები და ნივთები. ხარის წელს ინტერიერში წითელი ფერის ადგილი არ არის. ყველამ კარგად ვიცით, როგორ აღიაზიანებს ხარს ეს ფერი. ჩვენ კი მშვიდი და დარბაისელი ხარი გვჭირდება.

სახლის მოსართავად ორი გზა არსებიბს, ერთი საზეიმო და მეორე დეკორატიული.


საზეიმო მოიცავს თეთრ გახამებულ სუფრას, ასევე გახამებულ ხელსახოცებს, ოქროსფერ და ვერცხლისფერ მაგიდის აქსესუარებს. ვერცხლისფერ შანდლებსა და სანთლებს.

დეკორატიული კი ეკო-სტილი გახლავთ. აქ შეგიძლიათ გამოიყენოთ ეკოლოგიურად სუფთა ტილოს ქსოვილი, იქნება ეს სუფრა თუ ხელსახოცები. კარგი იქნება ასევე მაგიდის გაფორმების დროს თივის გამოყენება, თითქოს ბუდეა, თუმცა ეს ყველაფერი ძალიან ესთეტიურად უნდა გამოიყურებოდეს. ამ შემთხვევაში ინტერიერს ძალიან მოუხდება ლითონის და ხის აქსესუარებიც.

ნაძვის ხის გაფორმების მხრივ 2021 წლისთვის აქტუალურია კლასიკური სტილი. მოსართავად განსაკუთრებით მოდურია თეთრი ან ვერცხლისფერი, ასევე ხელნაკეთი სათამაშოები.


რაც შეეხება კერძებს, მაგიდაზე უხვად უნდა იყოს სალათები. ხარის წელს მაგიდაზე საქონლის და ხბოს ხორცისგან თავი უნდა შევიკავოთ. უპირატესობა ქათამს მიანიჭეთ.

არ ღირს ასევე ძალიან რთული კერძების მომზადება, ხარს უყვარს ყველაფერი უბრალო და სადა.

რაც შეეხება საჩუქრებს, ამ წელს უმჯობესია ერთმანეთს სახლის ნივთები აჩუქოთ, რაც სიმყუდროვესა და კომფორტთან იქნება დაკავშირებული.

მამაკაცისთვის კარგი იქნება სამშენებლო ინსტრუმენტები, თუ ის, რა თქმა უნდა, დაინტერესებულია მსგავსი ნივთებით.


ქალბატონებისთვის დანების ნაკრები და საჭრელი დაფები მშვენიერი საჩუქარია. ზედმეტი არ იქნება ლამაზი შარფი თუ პერანგი, აი, ტყავის ნაკეთობებისგან კი უმჯობესია თავი შეიკავოთ.


ქალბატონებს ასევე შეგიძლიათ აჩუქოთ ბროლის ჭურჭელი, ლოგინის თეთრეული, კოსმეტიკური საშუალებები.


რას უნდა ველოდოთ ხარის წელისგან

2021 წელი უნდა იყოს მშვიდი და ზომიერი. სიურპრიზებით გადატვირთული 2020 წლის შემდეგ ადამიანებს ამოსუნთქვის და ცოტა დასვენების საშუალება მიეცემათ. თუმცა ეს იმას არ ნიშნავს, რომ წელი უზრუნველი იქნება, გვახსოვდეს, რომ ხარი ძალიან შრომისმოყვარე ცხოველია, ის ჩვენგანაც შრომას მოითხოვს ყველა ფრონტზე, იქნება ეს პირადი თუ კარიერული.


ფინანსური თვალსაზრისით ხარი სტაბილურობას და შემოსავლის ზრდასაც კი გვპირდება.

ხარი კონსერვატიული ცხოველია და ამა თუ იმ ცვლილებებს არც ისე ოპტიმისტურად უყურებს. ამ თვალსაზრისით ოქროს შუალედის მოძებნაა საჭირო, რომ არც ჩამორჩეთ ცვლილებებს და არც ძალიან წინ გაიქცეთ.

2021 წელი ახალი ნაცნობობის წელი არ არის, ის ოჯახის გამაგრებასა და ძველი ნაცნობობის გამყარებას უნდა მიუძღვნათ.


ამბობენ, რომ...

2021 წელს ვალების გარეშე უნდა შეხვდეთ.

ხარს მხოლოდ საკუთარი თავის იმედი აქვს.

უნდა იყოთ გულუხვი.

ეცადეთ, რომ ახალი წლის ღამეს თქვენს საფულეში აუცილებლად იყოს ფული, როგორც ქაღალდის, ისე რკინის. მარტო პლასტიკური ბარათის იმედზე ნუ იქნებით.

ეცადეთ ფული ჯიბეშიც იქონიოთ.

და ბოლოს, ეცადეთ ისე შეხვდეთ ახალი წლის ღამეს, რომ არავისზე იყოთ განაწყენებული და შესაბამისად, არც სხვა გაანაწყენოთ.


mshoblebi.ge


აი რატომ სწირავენ ღორებს ნეკრესის სალოცავს.


მტერს ალყაში მოუქცევია ნეკრესის სალოცავი და იქ თავშეფარებული ქართველები. ყოველი დღე, ყოველი საათი მტერს გამარჯვებასთან აახლოებს. საკვებიც გამოილია და ხსნაც არსაიდან ჩანს. შეწუხდა ხალხი, ქალებმაც იარაღი აისხეს, ილოცეს და ბრძოლისთვის მოემზადნენ. მაგრამ როგორ გინდა გაარღვიო ალყა - მტერი ხომ შენზე ათჯერ მეტია და უკეთ შეიარაღებული!


უცბად ჩოჩქოლი ატყდა: სამკვდრო-სასიცოცხლო ბრძოლისთვის თავგადადდებულ რაზმში ერთს აზრად მოსვლია, მოდი, ღორები დავსეროთ და მტერზე მივუშვათო. "ეგრე ვქმნათ, ეგრეო", - სიხარულით აიტაცეს სხვებმაც. ჯერ ღორების ჭყვიტინმა გააყრუა იქაურობა, მერე კი ნეკრესის გალავნის კარი გაიღო და ტკივილისაგან გადარეული კოლტი პირდაპირ მოალყეებისკენ გაქანდა.


სპარსელები ერთხანს გაკვირვებულები უცქერდნენ ამ სანახაობას, მერე კი გონს მოვიდნენ და მიხვდნენ: პირუტყვი მათ "დასალაშქრად" მიექანებოდა და თან ირგვლივ ყველაფერს "უწმინდური" სისხლით ბილწავდა. "ოო, წყეული გიაურები, ეს რა მოიფიქრესო!" - ყვირილით გაიფანტნენ ურჯულოები. ალყა გაირღვა. ღორების კოლტს ქართველების რაზმი მოჰყვა, რომელთაც ადვილად დაამარცხეს დაბნეული მტერი და სამშვიდობოს გავიდნენ.


ღვთის მადლით, იმ დღეს ყველა გადარჩა - დიდიც და პატარაც.


მას შემდეგ ყოველ წელიწადს, შობა დღეს (იმ დღეს, როცა ეს სასწაული მოხდა) იწყება ნეკრესობის დღესასწაული, რომელიც ერთი კვირა გრძელდება. საიდან არ მოდის ხალხი! მაგრამ მთავარი ის არის, რომ ტაძარში შესაწირად ღორები მოჰყავთ. თუმცა ღორის შეწირვა რა გასაკვირია, - აკი "უფლისაა ქვეყანა და სავსება მისი".

სტატიის ავტორი: კახაბერ კენკიშვილი


karibche.ambebi.ge