ტაბულას ეთერში სტუმრობისთვის საპატრიარქო მღვდლებს ზნეობის კომისიაზე იბარებს

გადაცემაში "საუბარი რელიგიაზე" სტუმრობისთვის, საპატრიარქო მღვდლებს ხვალ ზნეობრივ კომისიაზე იბარებს. კომისიას მიტროპოლიტი თეოდორე ჭუაძე და მიტროპოლიტი ანდრია გვაზავა უხელმძღვანელებენ.

ამის შესახებ გადაცემის ერთ-ერთი სტუმარი, სამების საკათედრო ტაძრის იღუმენი ათანასე სვანიძე facebook-ის პირად გვერდზე წერს:

"რამხელა სიხარულია კაცო! საპატრიარქოში რომ გიბარებენ "ზნეობრივ" კომისიაზე. მე და მამა სერაფიმემ მომაკვდინებელი ცოდვა ჩავიდინეთ ტაბულაში მისვლით საუბარი რელიგიაზე", - წერს მამა ათანასე.


სქემარქიმანდრიტი სერაფიმე ბით ხარიბი გადაცემას მამა ათანასეს შემდეგ სტუმრობდა. მამა სერაფიმემ მართლმადიდებელ ასურელთა ბედზე ისაუბრა საქართველოში.


გადაცემა რელიგიური მრავალფეროვნების გაშუქებას ისახავს მიზნად და ის ყოველ ოთხშაბათს, ტაბულას ეთერში 21:45-ზე გადის.



http://www.tabula.ge/ge/story/79884-tabulas-etershi-stumrobistvis-sapatriarqo-mghvdlebs-zneobis-komisiaze-ibarebs