ღმერთი

ღმერთი

суббота, 15 апреля 2017 г.

ფსალმუნი 72.

ფსალმუნი 72.

  • 1
    რა კეთილია ღმერთი ისრაელისადმი, გულით სუფთების მიმართ.
  • 2
    მე კი - კინაღამ გადაუხვიეს ჩემმა ფეხებმა, ლამის მომიცურდა ნაბიჯები,
  • 3
    რადგან შემშურდა უგუნურებისა, ვხედავდი რა ბოროტთა კეთილდღეობას.
  • 4
    რადგან არა აქვთ ტკივილი სიკვდილამდე და ჯანსაღნი არიან.
  • 5
    კაცთა სიძნელეებს არ განიცდიან და სხვა ადამიანებივით არ ტვირთმძიმობენ,
  • 6
    ამიტომ მძივივით გარს შემოერტყა მათ ამპარტავნობა და ძალადობა სამოსელივით ჩაიცვეს.
  • 7
    სიმსუქნისგან თვალები გადმოკარკლეს, სიბრიყვით აევსოთ გულები.
  • 8
    ავად და დამცინავად ლაპარაკობენ, ძალადობით იმუქრებიან.
  • 9
    ზეცის წინააღმდეგ დააღეს პირები, მათი ენები კი დედამიწაზე დაიარება.
  • 10
    ამიტომ მისი ხალხიც მათ მიმართავს ხოლმე და სვამენ მათ სიტყვებს, როგორც წყალს სავსე თასიდან.
  • 11
    ამბობენ: როგორ შეიტყობს ღმერთი? განა აქვს ცოდნა უზენაესს?
  • 12
    აჰა, ბოროტნი ამა ქვეყნისა, უზრუნველნი არიან და დოვლათს იხვეჭენ;
  • 13
    განა, ამაოდ არ განვიწმიდეთ გულები და დავიბანეთ ხელები უდანაშაულობით?
  • 14
    ყოველ დღე ვიტანჯებოდით და ვისჯებოდით ყოველ დილით.
  • 15
    რომ მეთქვა: მეც ასე ვილაპარაკებ-მეთქი, მაშინ ვუღალატებდი შენი შვილების თაობას.
  • 16
    და განვიზრახე, რომ გამეგო ეს, მაგრამ ძნელად მეჩვენებოდა,
  • 17
    ვიდრე ღვთის საწმიდარში მოვიდოდი და მათ ბოლოს მივხვდებოდი.
  • 18
    ნამდვილად მოლიპულ გზაზე დააყენე ისინი; შენ მოსპობ მათ.
  • 19
    როგორ მეყსეულად განადგურდნენ, დაიღუპნენ შიშის ზარისგან!
  • 20
    როგორც სიზმარი ქრება გამოღვიძების შემდეგ, ისე მოიძულებ მათ სახეებს, როცა აღსდგები, უფალო.
  • 21
    როცა გული მიმწარდებოდა და შინაგანი მეფლითებოდა,
  • 22
    უგუნური ვიყავი და ვერ ვხვდებოდი, პირუტყვს დავემსგავსე შენ წინაშე.
  • 23
    და მაინც მუდამ შენთან ვარ, შენ გიჭირავს ჩემი მარჯვენა.
  • 24
    შენი რჩევით მიმიძღვი წინ და დიდებამდე მიგყავარ.
  • 25
    ვინ არის ჩემთვის ზეცაში? და შენ გარდა არაფერი მსურს დედამიწაზე.
  • 26
    ქანცგამოლეულია ჩემი სხეული და გული, მაგრამ ღმერთია სიმაგრე ჩემი გულისა და ჩემი წილხვედრი უკუნისამდე.
  • 27
    რადგან, აჰა, შენგან განშორებულნი დაიღუპებიან; შენ სპობ ყველას, ვინც არ გიერთგულებს.
  • 28
    ჩემთვის კი სასიკეთოა ღმერთთან სიახლოვე; უფალი ღმერთი გავიხადე ჩემს თავშესაფრად. ყველა შენს საქმეზე ვილაპარაკებ.



Комментариев нет:

Отправить комментарий