სულიერი სწავლებანი.17

ქრისტიანისათვის გარეგანი ჯვარია: დაცინვა, ყვედრება, ლანძღვა, ცილისწამება, – დაითმინე ისინი; შინაგანი ჯვარია: ბოროტი ფიქრები და სურვილები, – შეეწინაღმდეგე მათ.
თოეფანე დაყუდებული


ყველაზე კეთილი მონაპოვარი ერთგული მოყვასია, ყველაზე ბოროტი კი – უკეთური ცხოვრება.
აბბა ევაგრე


ვინც მტრის სიყვარულს მიაღწია, მან მოყვასის სიყვარულში სრულყოფილებას მიაღწია და თავისთავად გაეღო მას ღმერთის სიყვარულის კარები.
მღვდელმთავარი ეგნატე (ბრიანჩანინოვი)


მოყვასის სიყვარულს წინ უსწრებს სიმდაბლე მის წინაშე.
მღვდელმთავარი ეგნატე (ბრიანჩანინოვი)


სიყვარული ყველა სათნოებათ მწვერვალია, სიყვარული მარილია სათნოებათა, სიყვარული – სჯულის აღსრულებაა, სიყვარული – ჭეშმარიტი გადარჩენაა.
იოანე ოქროპირი


ანგარებისმოყვარეობა – გახრწნილობაა, და თანაც ისეთი, რომელიც ყველა სხვა გახრწნილობაზე უარეისა: მას ადამიანი კერპთთაყვანისმცემელობამდე მიჰყავს.
იოანე ოქროპირი


ანგარისმოყვარეობასთან განუშორებელია ქედმაღლობა, და ვინც მეტად აგროვებს სიმდიდრეს, მით უფრო უძლიერდება ეს სენი.
იოანე ოქროპირი


ვისაც თავისი გონება საღვთო სწავლებით არ გაუნათლებია, ის შორს არის ჭეშმარიტებისაგან.
ღირსი ეფრემ ასური


დადუმდე ჭეშმარიტების შესახებ, ეს იგივეა, რომ ოქრო მიწაში ჩაფლა.
აბბა ევაგრე


დაცემული კაცობრიობა ჭეშმარიტებას მხოლოდ რწმენით უნდა მეიახლოს – სხვა გზა მისკენ არ არსებობს.
მღვდელმთავარი ეგნატე (ბრიანჩანინოვი)


უგუნურია, ვინც ქრისტეს მცნებებს უტევებს, და ამაოა მისი იმედები.
ღირსი ეფრემ ასური


ნუ უგულებელყოფ საღვთო მცნებებს, თუნდაც მამხილებელი არავინ იყოს, რამეთუ ღვთისაგან არაფერია დაფარული.
ღირსი ეფრემ ასური


ღვთისაგან აღთქმულს ის კი არ მიიღებს, ვისაც მცნებები ახსოვს, არამედ – მათი აღმსრულებელი.
იოანე ოქროპირი


ღვთის მცნებები მსოფლიოს ყველა საგანძურზე უძვირფასესია.
ღირსი ისააკ ასური


მცნებების შესრულება წმენდს და უვნებოს ჰყოფს სულს, და მას ნათელის თანაზიარს ხდის.
აბბა თალასი


თუ ვინმე იტყვის, რომ ვერავინ შეძლებს ყველა მცნების შესრულებას, იცოდეს, რომ ამით ცილს სწამებს ღმერთს, – თითქოს მან შეუძლებელის შესრულება მოგვთხოვა.
სვიმეონ ახალი ღვთისმეტყველი


შეასრულე უფლის მცნებები და სასწაულებრივად იხილავ უფალს შენში, შენს თვისებებში.
მღვდელმთავარი ეგნატე (ბრიანჩანინოვი)


ღმერთის სიყვარულში ყოფნისა და მასთან ერთობის პირობა სახარებისეული მცნებების დაცვაში მდგომარეობს .
მღვდელმთავარი ეგნატე (ბრიანჩანინოვი)


რა არის ღვთის მცნებები? – ეს არის ღვთის ნება, რომელიც ღმერთმა ადამიანებს განუცხადა იმ ქმედებებში სახელმძღვანელოდ, რომლებიც მათზეა დამოკიდებული.
მღვდელმთავარი ეგნატე (ბრიანჩანინოვი)


ნებისმიერი ბოროტების მიზეზი არის ცდომილება, ხიბლი და ღმერთის გაუცნობიერებლობა.
ანტონი დიდი


თუკი ვინმე, თავის გონების იმედად არის და ფიქრობს, რომ სულიერ ხელმძღვანელს არ საჭიროებს, ასეთი პირი მალე გადაუხვევს მართალი გზიდან.
ღირსი ანტონი ოპტინელი


ქრისტეს მცნებები – ძაფია, რომლის მიმდევრებიც თავს ვაღწევთ მიწიერი ცხოვრების ბნელ ლაბირინთებს და მარადიულ ნეტარებაში მოვდივართ.
მღვდელმთავარი ეგნატე (ბრიანჩანინოვი)