გია ნოდია: ვინც ანტიდისკრიმინაციულ კანონს იმიტომ ებრძვის რომ „გაგვაპიდარასტებს“, ბნელია!

ავტორი: ანა ნოდია
29 აპრილი, 2014.


პოლიტოლოგი გია ნოდია ანტიდისკრიმინაციული კანონპროექტის შესახებ საკუთარ მოსაზრებას სოციალურ ქსელში აქვეყნებს.

„ვინც ახლა ანტიდისკრიმინაციულ კანონს ებრძვის იმის გამო, რომ ის „გაგვაპიდარასტებს“, ბნელი, ქაჯი და იდიოტია. პლუს ამას, ზოგიერთი მაინც, რუსეთის ფასიანი აგენტია (ამ შემთხვევაში იდიოტი შეიძლება სულაც არ იყოს).

პარლამენტში რომ ვიყო, კანონპროექტს აქტიურად დავუჭერდი მხარს. მაგრამ როგორც კერძო ინდივიდი, ვინარჩუნებ უფლებას ეჭვი გამოვთქვა: პრაქტიკულად რამე სარგებლობა მოაქვს ამ კანონს, გარდა იმისა, რომ ჩვენს ევროპელობას სიმბოლურად დავადასტურებთ? (ეს უკანასკნელიც რეალური ღირებულების მქონეა არსებულ გეოპოლიტიკურ გარემოში და ამ კანონის მიღების ძირითადი, ჩემთვის ერთადერთი, გამართლებაა). კონსტიტუციაში ხომ უკვე გვიწერია, რომ დისკრიმინაცია დაუშვებელია?

თუ პრაქტიკული სარგებლობა იმაშია, რომ ომბუდსმენს ვიღაცეების დაჯარიმების უფლება ჰქონდეს, ეს სწორედ რომ არ მომწონს, იმიტომ რომ ომბუდსმენის ოფისი სადამსჯელო ორგანოდ არ უნდა ვაქციოთ“, - წერს გია ნოდია.



http://reportiori.ge/?menuid=3&id=24710