ავტორი: ნინი მოდრეკილი
29 აპრილი, 2014.
დავით უსუფაშვილმა ანტიდისკრიმინაციულ კანონპროექტზე კომენტარი გააკეთა. მისი შეფასებით, პარლამენტში წარმოდგენილი პროექტი არის შუალედური ვარიანტი, რადგან მასზე მუშაობა თვეების განმავლობაში მიმდინარეობდა და მასში მჭიდროდ იყო ჩართული ყველა დაინტერესებული პირი და ორგანიზაცია, მათ შორის, საპატრიარქოს წარმომადგენლებიც.
“შედგა რამდენიმე შეხვედრაც, რომლის დროსაც ყველა კითხვას გაეცა პასუხი. შესაძლოა, ყველა თემაზე არ იყოს აბსოლუტური კონსენსუსი, მაგრამ პარლამენტი და პარლამენტარები არანაკლებ ზრუნავენ არა მხოლოდ ქვეყნის პოლიტიკურ წარმატებებზე, არამედ ჩვენი მოქალაქეების მორალურ სტანდარტებზე და დაკავებულები ვართ ყველა იმ თემატიკის აწონ-დაწონით, რაც დღის წესრიგში დგას. დარწმუნებული ვარ, როდესაც ამ საკითხზე გადაწყვეტილება იქნება მისაღები, ჩემი კოლეგები ქვეყნისთვის საჭირო გადაწყვეტილებას მიიღებენ“, - აღნიშნა უსუფაშვილმა.
მოლდოვას რესპუბლიკაში ოფიციალური ვიზიტით მყოფმა პარლამენტის თავმჯდომარემ ამ ქვეყნის მაგალითიც მოიყვანა და აღნიშნა, რომ როდესაც მოლდოვაში ანალოგიური კანონპროექტი განიხილებოდა - ვნებათაღელვა იყო, თუმცა მისი მიღების შემდეგ ვინმეს ბოროტად არ უსარგებლია.
„დღეს საკითხი დგას შემდეგნაირად - მივდივართ ევროპისკენ და ვაღიარებთ იმას, რომ ადამიანი არ უნდა შევავიწროვოთ, თუ არ ვიზიარებთ მის შეხედულებას, ანდა ვრჩებით რუსეთში. ასე რომ, რუსეთი თუ ევროპა? ამ არჩევანს აკეთებს პარლამენტი და ქვეყანა და ეს არჩევანი უნდა გავაკეთოთ ყველამ ერთად“, - აღნიშნა დავით უსუფაშვილმა.
http://reportiori.ge/?menuid=2&id=24765
29 აპრილი, 2014.
დავით უსუფაშვილმა ანტიდისკრიმინაციულ კანონპროექტზე კომენტარი გააკეთა. მისი შეფასებით, პარლამენტში წარმოდგენილი პროექტი არის შუალედური ვარიანტი, რადგან მასზე მუშაობა თვეების განმავლობაში მიმდინარეობდა და მასში მჭიდროდ იყო ჩართული ყველა დაინტერესებული პირი და ორგანიზაცია, მათ შორის, საპატრიარქოს წარმომადგენლებიც.
“შედგა რამდენიმე შეხვედრაც, რომლის დროსაც ყველა კითხვას გაეცა პასუხი. შესაძლოა, ყველა თემაზე არ იყოს აბსოლუტური კონსენსუსი, მაგრამ პარლამენტი და პარლამენტარები არანაკლებ ზრუნავენ არა მხოლოდ ქვეყნის პოლიტიკურ წარმატებებზე, არამედ ჩვენი მოქალაქეების მორალურ სტანდარტებზე და დაკავებულები ვართ ყველა იმ თემატიკის აწონ-დაწონით, რაც დღის წესრიგში დგას. დარწმუნებული ვარ, როდესაც ამ საკითხზე გადაწყვეტილება იქნება მისაღები, ჩემი კოლეგები ქვეყნისთვის საჭირო გადაწყვეტილებას მიიღებენ“, - აღნიშნა უსუფაშვილმა.
მოლდოვას რესპუბლიკაში ოფიციალური ვიზიტით მყოფმა პარლამენტის თავმჯდომარემ ამ ქვეყნის მაგალითიც მოიყვანა და აღნიშნა, რომ როდესაც მოლდოვაში ანალოგიური კანონპროექტი განიხილებოდა - ვნებათაღელვა იყო, თუმცა მისი მიღების შემდეგ ვინმეს ბოროტად არ უსარგებლია.
„დღეს საკითხი დგას შემდეგნაირად - მივდივართ ევროპისკენ და ვაღიარებთ იმას, რომ ადამიანი არ უნდა შევავიწროვოთ, თუ არ ვიზიარებთ მის შეხედულებას, ანდა ვრჩებით რუსეთში. ასე რომ, რუსეთი თუ ევროპა? ამ არჩევანს აკეთებს პარლამენტი და ქვეყანა და ეს არჩევანი უნდა გავაკეთოთ ყველამ ერთად“, - აღნიშნა დავით უსუფაშვილმა.
http://reportiori.ge/?menuid=2&id=24765
Комментариев нет:
Отправить комментарий