"ივანიშვილი დეპუტატებს აიძულებს ანტიდისკრიმინაციული კანონი რაც შეიძლება სწრაფად მიიღონ"

"ქართული დასის" ლიდერის ჯონდი ბაღათურიას განცხადებით, ანტიდისკრიმინაციული კანონპროექტის მიღებაში ბიძინა ივანიშვილიც ჩაერთო.


„საქმეში ჩაერია ბიძინა ივანიშვილი, რაც სერიოზული დარღვევაა. ის აიძულებს დებუტატებს რაც შეიძლება სწრაფად მიიღონ ეს კანონი. მოვუწოდებ ქართველ საზოგადოებას, რომ ყველამ ერთად დავიცვათ ჩვენი სამშობლო და ოჯახები. კანონპროექტის ავტორმა თეა წულუკიანმა და "ლგბტ" საზოგადოებამ მხედველობაში არ მიიღო ოპოზიციისა და საპატრიარქოს პოზიცია, რაც დაუშვებელია. ჩვენ ვეწინააღმდეგებით ადამიანთა დისკრიმინაციას ნებისმიერი ნიშნით, თუმცა ზღვარი უნდა გავავლოთ ადამიანის უფლებებსა და თავზე შემოჯდომას შორის“, - განაცხადა ბაღათურიამ.

ბაღათურია აპროტესტებს სექსუალური უმცირესობების დასაქმებას ბაღებში, სკოლებსა და პენიტენციალურ სისტემებში.

„ჩვენ უნდა დავიცვათ ბავშვები გაუკუღმართებული ცხოვრებისგან, პატიმრები პენიტენციალური სისტემის ჰომოსექსუალი თანამშრომლის ზეწოლისგან, რადგან პატიმრების გაუპატიურება სწორედ მათ მიერ ხდებოდა“, - განაცხადა ბაღათურიამ.

თეო თავაძე

ავტორი: Accent

30 04 2014

http://www.accent.com.ge/