მანანა კობახიძე მზადაა, ერთსქესიანთა ქორწინების დაკანონების შემთხვევაში დეპუტატის მანდატი დათმოს

ავტორი: ნინი მოდრეკილი
29 აპრილი, 2014.

პარლამენტის ვიცე - სპიკერი მანანა კობახიძე აცხადებს, რომ იმ შემთხვევაში, თუ საქართველოში ერთსქესიანთა ქორწინება დაკანონდება, საკუთარ მანდატს დათმობს. მისი თქმით, ანტიდისკრიმინაციული კანონი იმ ადამიანების უფლებებს დაიცავს, რომლებიც განსხვავებულები არიან.


"კანონში საუბარია იმაზე, რომ დავიცვათ ის ადამიანები, რომლებიც ჩვენგან, უმრავლესობისგან განსხვავებულები არიან. სამწუხაროდ, ასეთი ადამიანები ჩვენ შორის არიან. თუკი ვინმე რამის უფლებებს არღვევს, კანონის ფარგლებში მათი უფლებები უნდა დავიცვათ,“ -აღნიშნა ვიცე - სპიკერმა ადამიანის უფლებათა დაცვის კომიტეტის სხდომაზე.


მანანა კობახიძე მამა დავითის განცხადებასაც გამოეხმაურა.

"მამა დავით თქვენს უფლებებს ვინმე არღვევს, მაშინ მე და უმრავლესობა მზად ვართ, თქვენი უფლებებიც დავიცვათ", - აღნიშნა კობახიძემ.

პარლამენტში ამ წუთებში ანტიდისკრიმინაციულ კანონს მუხლობრივად განიხილავენ.


http://reportiori.ge/?menuid=2&id=24755