ისრაელის ქნესეთი ტაძრის მთის ტერიტორიაზე ებრაული სახელმწიფოს სუვერენიტეტის აღდგენის შესაძლებლობას განიხილავს, რაზეც იორდანიის ხელისუფლებამ, რომლის იურისდიქციის ქვეშ არის ალ-აქსას მეჩეთი, ქვეყნიდან ისრაელის ელჩის გაძევების გადაწყვეტილება მიიღო.
ისრაელის ხელისუფლებმა მკვეთრად შეზღუდეს პალესტინელების რაოდენობა, რომლებიც აპირებდნენ პარასკევის ნამაზის აღსრულებას ისლამის ერთ-ერთი უმთავრეს სიწმიდეში - ალ-აქსას მეჩეთშ, რომელიც განლაგებულია ტაძრის მთაზე იერუსალემის ცენტრში.როგორც პორტალი NEWSru.Israel-ი იუწყება, ისრაელის პოლიციამ გასცა განკარგულება, რათა ტაძრის მთაზე ლოცვისთვის დაშვებულ იქნან მხოლოდ ის მამაკაცები 50 წელს ზემოთ, რომლებსაც გააჩნიათ ისრაელის პირადობის მოწმობა. ქალებისთვის შესვლაზე შეზღუდვები არ იქნება. ტაძრის მთაზე წესრიგის დაცვას უზრუნველყოფს პოლიციისა და სასაზღვრო სამსახურის დიდძალი კონტინგენტი. მოცემული გადაწყვეტილება მიღებულია იერუსალემის ოლქის პოლიციის ხელმძღვანელობის მიერ, რომელიც მოსალოდნელი უწესივრობებისა და არეულობებისთვის ემზადება.
ამგვარად, ისრაელის ხელისუფლებამ არაბებს ალ-აქსაში ლოცვა აუკრძალა და ტაძრის მთაზე იერუსაელემის პალესტინური მოსახლეობის ყველაზე უფრო აქტიური პოლიტიკური ნაწილი არ დაუშვა. თავისი გადაწყვეტილება ისრაელმა იმით განმარტა, რომ თითქოსდა ცდილობს თავიდან აიცილოს პალესტინელი ახალგზრდების შეტაკებას მემარჯვენე-რადიკალურ იუდაურ დაჯგუფებებთან, რომლებიც ბოლო რამოდენიმე დღის განმავლობაში ცდილობდნენ ტაძრის მთაზე ასვლას და იქ ისრაელის დროშის აღმართვას.
მაგრამ ისრაელის დღევანდელი გადაწყვეტილების უმთავრესი მიზეზი გახდა პალესტინელების დაუფარავი უკმაყოფილება იმით, რომ ისრაელის ქნესეთი დღეისთვის განიხილავს ებრაული სახელმწიფოს სუვერენიტეტის აღდგენის საკითხს ტაძრის მთის ტერიტორიაზე, ასევე მასზე მდებარე მეჩეთებზეც, რომელთა შორის მაჰმადიანთათვის ერთ-ერთი სათაყვანებელი სიწმინდე, ალ-აქსას მეჩეთი ირიცხება.
1994 წელს დადებული ხელშეკრულების თანახმად, რომელიც ისრაელსა და მეზობელ იორდანიას შორის დაიდო, მუსლიმთათვის ყველა წმინდა ადგილი, რომელიც განლაგებულია ოკუპირებულ პალესტინურ ტერიტორებზე, მათ სორის ტაძრის მთაზეც, იორდანიის ხელისუფლების მეთვალყურეობისა და იურისდიქციის ქვეშაა. ამ საკითხის დღევანდელმა განხილვამ ისრაელის ქნესეთში გამოიწვია უკიდურესი უკმაყოფილება არა მარტო პალესტინელთა სორის, არამედ იორდანიაშიც. პროტესტის ნიშნად იორდანიის პარლამენტმა გასულ ოთხშაბათს მიიღო უპრეცედენტო გადაწყვეტილება ქვეყნიდან ისრაელის ელჩის გაძევებისა და ტელ-ავივიდან იორდანიის დიპლომატიური წარმომადგენლის გამოწვევის შესახებ.
http://rusk.ru/newsdata.php?idar=65079
apocalypse.ge
Комментариев нет:
Отправить комментарий