ამოუცნობ მფრინავ ობიექტთა პრობლემა და გაერთიანებული ერების ორგანიზაცია

ფ. ი. ზიგელი

შინაარსი:

1. შესავალი

2. ამო-ს შემსწავლელი VII საერთაშორისო კონგრესის გადაწყვეტილება

3. ამოუცნობი მფრინავი ობიექტები, როგორც გლობალური პრობლემა

4. ამო-ს პრობლემა და გაერო

5. ამო-ს პრობლემა გაერო-ში კვლავ წამოსწიეს.


***


1. შესავალი

 ფელიქს იურის ძე ზიგელი (1920 წ. 20 მარტი - 1988 წ. 20 ნოემბერი) - საბჭოთა მათემატიკოსი და ასტრონომი, მოსკოვის საავიაციო ინსტიტუტის (МАИ) დოცენტი, რომელმაც სახელი გაითქვა, როგორც კოსმონავტიკის პოპულარიზატორმა და მიჩნეულია რუსული უფოლოგიის დამფუძნებლად (თუმცა, ნახევრად ოფიციალურად, რადგან საბჭოთა პერიოდში უფოლოგია და მასთან დაკავშირებული თემატიკა გასაიდუმლოებული იყო). ზიგელს დაწერილი აქვს 43 სამეცნიერო და სამეცნიერო-პოპულარული წიგნი, ასევე 300-ზე მეტი სტატია ასტრონომიასა და კოსმონავტიკაზე, მან პირველმა დაიწყო სერიოზულად ამოუცნობი მფრინავი ობიექტების შესწავლა, სახელი გაითქვა საჯარო ლექციებით მოსკოვის პლანეტარიუმში, რომელიც ეძღვნებოდა არამიწიერ ცივილიზაციებს, ასევე თავისი გამოსვლებით 1967 წლის ნოემბერში ცენტრალური ტელევიზიით. ამ გამოსვლებმა დასაბამი მისცა ამო-ს შესახებ ინფორმაციის მასობრივ შეგროვებას საბჭოთა კავშირში. საბჭოთა კავშირის მეცნიერებათა აკადემიის ეგიდით გამოვიდა მისი წიგნი "დასახლებული კოსმოსი".

წინამდებარე პუბლიკაციას ვაქვეყნებთ ამო-ს თემატიკის ირგვლივ არსებული ოფიციალური ინფორმაციის შესწავლის მიზნით.

მკითხველს ვთხოვთ გაითვალისწინოს, რომ ჩვენს საიტზე ყველა სტატია და ვიდეო (წმიდა მამათა სწავლებების გარდა) წარმოდგენილია ანალიზისა და განსჯისათვის. საიტის ადმინისტრაციისა და თქვენი აზრი, შესაძლოა ნაწილობრივ ან სრულიად არ დაემთხვეს პუბლიკაციათა ავტორების შეხედულებას.  

__________

ის უეჭველი ფაქტი, რომ ამო-ს ფენომენს გააჩნია გლობალური ხასიათი, და "მფრინავი თეფშები" ყველა კონტინენტზე შეუნიშნავთ (ანტარქტიდის ჩათვლით), საერთაშორისო თანამშრომლობის სტიმული უნდა გახდეს ამ სამეცნიერო პრობლემის შესწავლის საქმეში.

ამო-ს პრობლემა სულაც არ წააგავს რომელიმე მიწიერ საქმეთაგან განყენებულ სამეცნიერო პრობლემას, რომელსაც შეიძლება მშვიდად სწავლობდე აკადემიურ კაბინეტებში. ეს პრობლემა უფრორე არა იმდენად მეცნიერულია, რამდენადაც სოციალური, რომელიც გადაწყვეტისთვის მთელი კაცობრიობის ძალისხმევას ითხოვს. მიუხედავად ამისა, მრავალ უფოლოგს მრავალი წლის წინ მიაჩნდა, რომ ამო-ს პრობლემაში გაერო-ს მონაწილეობის ბედი წინასწარ არის გადაწყვეტილი. ასეთ უფოლოგთა რიცხვს განეკუთვნებიან კოლმენ ფონ კევიცკი, "იკუფონის" (ICUFON) დამაარსებელი (იკუფონი - ამო-ს კვლევისა და ანალიზის საერთაშორისო საკონტინენტთაშორისო ქსელი).

კოლმენ ფონ კევიცკი - უნგრული წარმოშობის ამერიკელი, გადამდგარი მაიორი, რომელმაც ჯერ კიდევ 1952 წელს დაიწყო ამო-ს პრობლემატიკის შესწავლა. 13 წლის შემდეგ, ანუ 1965 წ. მან გაერო-ს შესთავაზა გაეროს სამდივნოში შეექმნათ ანალიტიკური ჯგუფი "მფრინავი თეფშების" გლობალური შესწავლის მიზნით. იმ ხანად ამო-ს პრობლემა მთელს მსოფლიოში და განსაკუთრებით აშშ-ში გაძლიერებულ დისკრედიტაციას განიცდიდა (პენტაგონის მხრიდან) და მეცნიერთაგან ჯერაც კრინტსაც კი არავინ ძრავდა მის დასაცავად. თვით ჯ. ა. ჰაინეკი, დღეისთვის მსოფლიოს ერთ-ერთი წამყვანი უფოლოგი, რომელიც იმ დროს აშშ-ს სამხედრო-საჰაერო ძალების მეცნიერ-კონსულტანტი იყო, მთელი სიმართლითა თუ უსამართლობით ცდილობდა განემარტა ამო-ს შესახებ ცნობები და მიეწერა ისინი ბუნებრივი მოვლენებისთვის.

გასაგებია, რომ კ. ფონ კევიცკის წინადადებამ მხარდაჭერა ვერ ჰპოვა, მაგრამ უფლოგიის ეს პიონერი საკმაოდ მედგარი ადამიანი აღმოჩნდა და, საქმეს, რომელიც თითქმის მარტოკამ დაიწყო, დღეს, უამრავი მიმდევარი ჰყავს მსოფლიოს მრავალ ქვეყანაში.

უნდა აღინიშნოს, რომ თავიდან კევიცკის ეჭვიც კი არ ეპარებოდა ამო-ს უცხოპლანეტურ წარმომავლობაში. დარწმუებულმა იმაში, რომ კაცობრიობა იმყოფება კონტაქტში მაღალგანვითარებულ არამიწიერ ცივილიზაცისთან, კევიცკი თავის დაუღალავ ენერგიას ამო-ს სოციალური პრობლემის კვლევისკენ მიმართავდა. მისთვის არასოდეს არსებულა ალტერნატივა ჰიპოთეზებში ამო-ს ბუნების შესახებ. მისთვის ამო იყო გალაქტიკური სპეცდანიშნულების რაზმთა კოსმიური, პილოტირებული და ავტომატური ხომალდები. აი, რას წარმოადგენდნენ მისი აზრით ე. წ. "მფრინავი თეფშები".

ამგვარ თვალსაზრისზე თუ დავდგებით, მაშინ ამო-ს ყოველგვარი ოპტიკური თუ პლაზმური თეორიული მოდელები ამაო წყლის ნაყვად წარმოჩნდება, რომლებიც რეალობასთან იქნებიან არაადეკვატურნი. არა ამო-ს აკადემიური შესწავლა, არამედ კაცობრიობის პრაქტიკული გაერთიანება დედამიწაზე შემოჭრილი უცხოპლანეტური ძალების წინააღმდეგ, აი რა იყო კევიცკის აზრით ნომერ პირველი პრობლემა თანამედროვე ცივილიზაციისთვის.

ეს არის უკიდურესი, მაგრამ საკმაოდ მკაფიო პოზიცია, რომელსაც, როგორც უკვე ვთქვით, მეცნიერთაგან მხარი არავინ დაუჭირა. მსოფლიოში ცნობილ ავტორიტეტთაგან მას მხოლოდ კოსმონავტიკის ერთ-ერთი ფუძემდებელი, გერმან ობერტი გამოეხმაურა.


1996 წელს კოლმენ ფონ კევიცკიმ დააფუცნა "იკუფონი" ((ICUFON — Intercontinental UFO Network. ამო-ს კვლევისა და ანალიზის კონტინენტთშორისი ქსელი) და გაერო-ს წარუდგინა მკითხველისთვის უკვე ცნობილი პროექტი "გლობი". ამ პროექტს თან ერთვოდა 135 დოკუმენტი, რომელიც გაერო-ს სამდივნოში იყო რეგისტრირებული. იმავე წელს "სავლედან პავლედ" გარდაქმნილმა პროფესორმა ჯ. ა. ჰაინეკმა ჟურნალ "მეცნიერებაში" გამოაქვეყნა სტატია, რომელშიც მთელი მსოფლიოს მეცნიერებს მოუწოდა სერიოზულად მოჰკიდებოდნენ ამო-ს პრობლემას. თითქმის ამ მოვლენების პარალელურად დაიწყო ამო-ს პრობლემის შესწავლა ატმოსფეროს ფიზიკის სპეციალისტმა, არიზონას (აშშ) უნივერსიტეტის პროფესორმა ჯ. მაკდონალდმა, რომელიც 1971 წელს ტრაგიკულად დაიღუპა. ის ძალზედ ნელა და ფრთხილად მუშაობდა, იმის შიშით როგორმე დისკრედიტაცია არ გაეწია თავისი მეცნიერული ავტორიტეტისთვის. ამო-ს პრობლემატიკას ყურადღება მიაპყრეს სხვა მეცნიერებმაც.

ამო-ს შესწავლის საქმეში საერთაშორისო თანამშრომლობისკენ მოუწოდა მსოფლიო საზოგადოებას ამო-ს შესწავლის გერმანულმა საზოგადოებამაც, რომელსაც კარლ ვეიტი მეთაურობდა.

1967 წლის თებერვალში დ-რი კურტ ვალდჰაიმი, რომელიც იმ დროს გაერო-ს ერთ-ერთი კომიტეტის თავმჯდომარე გახლდათ, კეთილგანწყობით მოეკიდა იკუფონ-ის წინადადებას გაერო-ში კოსმოსის კვლევისა და გამოყენების კონფერენციაზე მეცნიერ-უფოლოგებიც მოეწვია (1967 წლის აგვისტო).

1967 წლის 5 ივნისს პროფ. ჯ. მაკ-დონალდმა წერილით მიმართა გაერო-ს გენერალურ მდივანს უ ტანს (სრული სახელი: მახა ტხრაი სიტხუ უ ტხანტ - რედ.), რომელშიც წერდა:

"ძვირფასო სერ უ ტან!

მინდა კიდევ ერთხელ გადაგიხადოთ მადლობა იმისთვის, რომ შესაძლებლობა მომეცით 7 ივნისს შევხვედროდი გაერო-სთან არსებულ კოსმოსის კვლევის ჯგუფს იმისთვის, რათა ამო-ს საერთაშორისო მეცნიერული პრობლემების ასპექტები განმეხილა.

ჩემს წერილს თან დავურთე 7 ივნისის განცხადების ასლი, რომლითაც მივმართე კოსმოსის კვლევის ჯგუფს. ის ზოგადად მიმოიხილავს ჩემს არგუმენტებს გაერთიანებული ერების ორგანიზაციაში ამო-ს პრობლემის დაუყოვნებლივ შესასწავლად. ეს საკმაოდ მოცულობითი პრობლემაა და ამიტომაც ჩემი ანგარიში მხოლოდ ზოგადად წარმოადგენს პრობლემის არსს და მისი მეცნიერული დამუშავების შესაძლო გზებს. მე მწამს, რომ გაერო-ს მხრიდან სერიოზული და გადამწყვეტი ძალისხმევა ამო-ს შესახებ აუცილებელი ინფორმაციის მოკვლევისა და ამ თემისადმი გაერო-ს ყველა წევრის ყურადღების მიპყრობის საქმეში მნიშვნელოვანი იქნება ამო-ს მკვლევართაგან "მასხარას ქუდის" მოსაცილებლად, რომელიც ასე თრგუნავს ენთუზიასტებს, რომლებიც ამო-ს შესახებ უტყუარ ცნობებს იუწყებიან. გაერო-ს სხვა მრავალი ღონისძიებები ამ მხრივ მიმართული უნდა იყოს იმისკენ, რათა გაძლიერდეს მსოფლიო სამეცნიერო საზოგადოების ყურადღება ამო-ს პრობლემატიკისადმი.

როგორც ჩემს დანართში აღვნიშნე, რომელიც კოსმოსის კვლევის ჯგუფს წარვუდგინე, მწამს, რომ ძალზედ სერიოზული ყურადღება უნდა დაეთმოს ჰიპოთეზას იმის შესახებ, რომ ამო წარმოადგენს უცხოპლანეტური ზონდების გარკვეულ ტიპს. დღემდე, სანამ თვითონ არ გავეცანი ამ პრობლემას, ხსენებული ჰიპოთეზისა თვითონაც არ მჯეროდა. მთელი წლის ზედმიწევნითი შესწავლის შემდეგ მას ჯერაც ჰიპოთეზად განვიხილავ. მაგრამ უნდა აღვნიშნო, რომ ჩემმა კვლევებმა იმ დასკვნამდე მიმიყვანა, რომ დღეს ერთადერთ მისაღებ ჰიპოთეზად მანქანების მსგავს ობიექტთა გასაოცრად დიდი რაოდენობის მიმართ, ამ მექანიზმთა მხოლოდ უცხოპლანეტური წარმომავლობის ჰიპოთეზა გახლავთ.

ჩემის მხრიდან, შემიძლია შემოგთავაზოთ ნებისმიერი სახის დახმარება ან რჩევა თქვენი და თქვენი კოლეგების მიმართ, რომლებსაც შეუძლიათ ისარგებლონ ჩემი გამოცდილებით. ამო-ს პრობლემა - უმნიშვნელოვანესი საერთაშორისო სამეცნიერო პრობლემაა. მე მიმაჩნია, რომ გაერო პასუხს აგებს მთელს მსოფლიოში ამო-ს პრობლემის სერიოზული სამეცნიერო შესწავლის დაჩქარების საქმეში. თუ უმცირესი შანსი მაინც არსებობს იმისა, რომ ასეთი თვალსაზრისი მართალია, მაშინ ჩვენი ამჟამინდელი გულგრილობა მსგავსი გამოკვლევების მიზნებისა და გეგმების მიმართ რაც შეიძლება სწრაფად უნდა შეიცვალოს მაქსიმალურ გაგებად იმისა, თუ რა ხდება. მოვლენის ბუნება თუ სხვაგვარია, - ჩვენ ეს უნდა ვიცოდეთ. ახლანდელი გულგრილობა, უმეცრება, ახლანდელი დაცინვები მხოლოდ სამწუხარო ნიშნებია ჩვენი საერთო დამოკიდებულებისა იმისადმი, რაც შესაძლოა მთელი კაცობრიობისთვის გადაუდებელი მნიშვნელობის საქმე იყოს.

ჩემის ღრმა რწმენით, გაერო-მ ყველა ეს საკითხი აუცილებლად უნდა განიხილოს.

პატივისცემით,

პროფესორი ჯეიმს ი. მაკდონალდი".

ამ წერილს თან დაერთო ვრცელი "მიმოხილვა საერთაშორისო სამეცნიერო საკითხებისა ამო-ს პრობლემატიკასთან დაკავშირებით", სადაც მოცემულია არა მარტო პრობლემის ისტორია, არამედ კრიტიკულად არის დამუშავებული ამო-ს წარმომავლობისა და ბუნების სხვადასხვა ჰიპოთეზები. თავისი მიმოხილვის დასასრულს მაკ-დონალდი კვლავ გამოთქვამს შეხედულებას, რომ "გარო-მ დაუყოვნებლივ უნდა დაიწყოს ამო-ს პრობლემის შესწავლა, რომლის მსოფლიო მნიშვნელობა შეიძლება გრანდიოზული აღმოჩნდეს".


2. ამო-ს შემსწავლელი VII საერთაშორისო კონგრესის გადაწყვეტილება

1967 წლის ივნისში უ ტანმა გააკეთა ცნობილი განცხადება, რომ გაერო-ს წინაშე არსებულ პრობლემათაგან, ამო-ს პრობლემა უმნიშვნელოვანესია ვიეტნამის პრობლემის შემდეგ. 1967 წლის ნოემბრის დასაწყისში ქ. მაინცში (გფრ) შედგა ამო-ს შესწავლის VII საერთაშორისო კონგრესი, რომელმაც მიიღო შემდეგ გადაწყვეტილება:

ამო-ს კვლევისა და ანალიზის საკონტინენტთაშორისი ორგანიზაცია

ამო-ს შესწავლის VII საერთაშორისო კონგრესის გადაწყვეტილება

1967 წლის 3-6 ნოემბერი (გფრ)

საზოგადო მოსაზრება

აშშ-ს მთავრობამ, საბჭოთა კავშირმა, კანადამ, ჩეხოსლოვაკიამ, ბრაზილიამ, არგენტინამ და სხვა ქვეყნებმა თავიანთ ქვეყნებში უკვე შექმნეს კვლევითი ჯგუფები, რათა დაამტკიცონ ან უარჰყონ უცხოპლანეტური სიცოცხლის არსებობა.

მრავალი ფართოდ ცნობილმა მეცნიერმა, დაკვირვებათა ფიზიკურ რეალობაზე დაყრდნობით, მთავრობებისგან და გაერო-სგან მოითხოვეს დაუყოვნებლივ იქნეს გამოძიებულ ეს მსოფლიო პრობლემა.

ამის გათვალისწინებით, ამო-ს კვლევისა და ანალიზის საკონტინენტთაშორისო ორგანიზაციამ (ხელმძღვანელი კოლმენ ფონ კევიცკი, აშშ-ს წარმომადგენელი, ამო-ს შესწავლის VII საერთაშორისო კონგრესის უმთავრესი მომხსენებელი მაინცში, გერმანია, 3 - 6.XI.1967 წ.) კონგრესს შესთავაზა დადებითი, მეცნიერულად გაანალიზებული მტკიცებულებები იმისა, რომ ჩვენს საჰაერო სივრცეში არსებობენ გონების მიერ მართვადი აპარატები და საცდელი დაშვებები, რომლებიც კოსმიური სივრციდან ხდება.

ამის შედეგად კონგრესმა, რომელსაც ესწრებოდნენ ამოს მკვლევარები და მეცნიერები 24 ქვეყნიდან, საკონტინენტთაშორისო ქსელს სთავაზობს წინამდებარე რეზოლუციას: მსოფლიოს 131 კანონიერ მთავრობას; მის აღმატებულებას, გაერო-ს გენერალურ მდივანს უ ტანუს; გაერო-ს გენერალურ ასამბლეას; იუნესკო-ს; გაეროს მისიის წარგზავნილებს და დამკვირვებლებს; გაეროს წარგზავნილს ავსტრიაში და საგარეო კოსმოსის საქმეთა კომიტეტის თავმჯდომარეს, მის აღმატებულებას დ-რ კურტ ვალდჰაიმს; გამოჩენილ მეცნიერებს; ამო-ს მკვლევარებს და ბეჭდვითი მედიის გამოჩენილ წარმომადგენლებს, ასევე სხვა საინფორმაციო საშუალებებს:

რეზოლუცია

ამოს კვლევის VII საერთაშორისო კონგრესი ერთხმად ამტკიცებს და აცხადებს, რომ ამოუცნობი მფრინავი ობიექტები (ამო) აღიარებულია კოსმიური ხომალდებიდან და რომ ეს საკითხი სასიცოცხლოდ მნიშვნელოვანია - უმნიშვნელოვანესი პრობლემაა, რომელიც მთელს მსოფლიოს ეხება.

ყველა ეროვნება უნდა გაერთიანდეს კვლევით და სამეცნიერო თანამშრომლობაში, რათა ყველა ადამიანის სახელით გამოკვლეულ იქნას და საბოლოოდ გადაწყდეს ეს პრობლემა გარე კოსმოსთან ჩვენი მშვიდობიანი ურთიერთობის განვითარებისთვის.

3. ამო - როგორც გლობალური პრობლემა

ბოლო 20 წლის განმავლობაში ზოგიერთი მთავრობა, სახელმწიფო მოხელე და წამყვანი მეცნიერი ამო-ს განსაზღვრავდა მისი გარეგანი სახის მიხედვით, როგორც საჰაერო ხომალდებს, "რომლებიც არ უწარმოებია მსოფლიოს არც ერთ ეროვნებას" და წარმოსდგებიან სხვა ზეციურ სხეულთაგან.

გაერო მხარს უჭერს ამ განსაზღვრებას, მაგრამ, ამ ფაქტის მიუხედავად, უსაფრთხოების საბჭოში არ შემოსულა პროტესტის არც ერთი ნოტა, სადაც ამო შეფასდებოდა, როგორც ცნობილი ან უცნობი ძალა, რომელიც შესაძლოა დაემუქროს რომელიმე ქვეყნის უსაფრთხოებას.

სამწუხაროა, რომ 20 წლიანი დაკვირვების შემდეგ მსოფლიოს შეშფოთებული მოსახლეობა არ ღებულობს არანაირ ოფიციალურ განმარტებას ამ უცხოპლანეტური კოსმიური ხომალდების შესახებ.


II

ამის შედეგად, ბოლო ორი წლის განმავლობაში, კოსმოსის ჩვენეული კვლევების პარალელურად, მნიშვნელოვნად გაძლიერდა ამო-ს სადაზვერვო საქმიანობაც, რომელიც ერწყმის მუდმივ საცდელ დაშვებებს დედამიწის ზედაპირზე. ყოველივე ამან "შეუცნობელი" მოვლენის წინაშე მოსახლეობის პანიკის თავიდან აცილების მიზნით, პუბლიკის საშიშ დეზინფორმაციამდე მიგვიყვანა. ყველა სახელმწიფოში სწრაფად გაიზარდა "მკაცრად გასაიდუმლოებულ" დოსიეთა რიცხვმა, ამან კი პრობლემა კიდევ უფრო გაართულა. შექმნილი საგანგაშო სიტუაცია ითხოვს დაუყოვნებლივ და კომპეტენტურ გამოკვლევას, რათა სანამ გვიან არ არის, დამშვიდდეს საზოგადოება.


III

ზემოთ მითითებული გლობალური სადაზვერვო მოქმედებები, რომელსაც კოსმოსიდან ახორციელებენ, როგორც ჩანს, მიმართულია სადამკვირვებლო ღონისძიებებისკენ, ზოგჯერ ეს საფრთხეს უქმნის ამა თუ იმ ქვეყნის საჰაერო სივრცეს, მის ატომურ და სამხედრო დანადგარებს, საჰაერო, საზღვაო და სახმელეთო გზებს, კომუნალური მომსახურეობის სისტემებს და კავშირგაბმულობას.

ზოგიერთი დამკვირვებელს მათი მოქმედება დედამიწასთან მოახლოებისას მტრულად ეჩვენება, ვიდრე მეგობრულად, რადგან ისინი არანაირად არ ამჟღავნებენ თავიანთ მიზნებს და, როგორც ჩანს, არანაირ ოფიციალურ მცდელობასაც არ მიმართავენ დაამყარონ კავშირი ჩვენს მთავრობებთან.

მსოფლიო უსაფრთხოება დაბეჯითებით ითხოვს საერთაშორისო ორგანიზაციის შექმნას ამო-ს ყველა დაკვირვების შეფასებისა და კომპეტენტური სამეცნიერო განხილვისთვის, რათა:

მივიღოთ საპასუხო ინფორმაცია;

დავამყაროთ ოფიციალური კონტაქტი უცხოპლანეტურ არსებებთან და მათ მთავრობებთან.

გლობალურად მოვემზადოთ უცხოპლანეტელი არსებების დედამიწაზე დაშვებისთვის;


IV

ამო და მათი პილოტები ზოგჯერ ეძებენ კონტაქტებს მოსახლეობასთან და ახორციელებენ კიდევაც მას, მაგრამ სამხედრო-შეიარაღებულ ძალებთან შეტაკებას გაურბიან.

შედეგად, მსოფლიო დაკვირვების ქსელი უნდა დაეყრდნოს მოსახლეობას და იმოქმედეს მასთან მჭიდრო ურთიერთობით მთავრობებთან, მეცნიერებთან და ამო-ს იმ პირველ მკვლევარებთან ერთად, რომლებიც უკვე ათეულობით წლებია მუშაობენ მთელი კაცობრიობის საკეთილდღეოდ. არავითარ კერძო ორგანიზაციას, არავითარ ცალკე აღებულ პირს არა აქვს უფლება გამოიკვლიოს გლობალური პრობლემა მხოლოდ თავის და სხვა სახელმწიფოთა სასარგებლოდ.


V

კონტაქტის შემთხვევაში, ამო-ს დაკვირვებათა კომპეტენტური გამოკვლევის გზით, ფაქტები მკაფიოდ უნდა იქნეს გამოცალკევებული ფანტაზიებისგან, რითაც კაცობრიობას მხოლოდ სიკეთე მიადგება.


VI

ამო-ს გლობალურ გამოკვლევებს ხელს არ უნდა უშლიდეს არანაირი მტრული დამოკიდებულება სახელმწიფოებს შორის, ან რასული განსხვავება, რელიგია და პოლიტიკური თუ სამთავრობო სტრუქტურა.

ამო-ს საქმიანობის სამეცნიერო რეგისტრაციისა და პუბლიკაციისთვის, ასევე უცხოპლანეტურ გონთან ყოველგვარი შესაძლო ოფიციალური კონტაქტისთვის უნდა შეიქმნას საერთაშორისო ინსტიტუტი, რომელიც განლაგდება ტერიტორიაზე, რომელსაც ყველა სახელმწიფო და ერი ექსტერიტორიალურად გამოაცხადებს.


გაგრძელება იქნება

apocalypse.ge