ღმერთი

ღმერთი

вторник, 27 мая 2014 г.

მასონობა საბჭოთა კავშირში.


1881 წლის იანვარში სამეფო პოლიციამ დააპატიმრა იატაკქვეშა ორგანიზაციის "სამხრეთ-რუსეთის მუშათა კავშირის" წევრები. მათ შორის იყო ახალგაზრდა რევოლუციონერი ლევ ბრონშტეინიც, რომელიც შემდეგ მსოფლიოს ლევ ტროცკის სახელით მოევლინა.

ოდესის ციხეში ბრონშტეინმა გაატარა მთელი ორი წელიწადი. სწორედ ციხეში დაინტერესდა ის ფრანკმასონობით, კითხულობდა სპეციალურ ლიტერატურას, რომელიც მას ახლობლებმა და მეგობრებმა მიაწოდეს. შედეგად ტროცკი მიდის იმ დასკვნამდე, რომ სწორედ მასონები არიან ყველა რევოლუციის წამომწყებნი. სწორედ ისინი ქმნიდნენ პატარა, მაგრამ საკმაოდ ეფექტურ ორგანიზაციებს, რომელთაც კონსპირაციის ისეთი დახვეწილი მეთოდები გააჩნდათ, რომ დიდი ხნის განმავლობაში მიუწვდომელნი ხდებოდნენ არსებული რეჟიმებისთვის.

მასონობისადმი მიძღვნილ ნაშრომებში ნათქვამია, რომ ამ ოკულტური ორგანიზაციების ლიდერები, ანუ ე. წ. "ოსტატები", მათ მიმდევრებს მარიონეტებად აქცევენ.

დღეს ბევრს მიაჩნია, რომ ტროცკი მარტო ფრანკმასონობის შესწავლით როდი შემოიფარგლა, არამედ თვითონაც მიუერთდა ერთ-ერთ მის ფრთას. ისტორიული დოკუმენტების შესწავლა ცხადყოფს, რომ სწორედ ტროცკი გახდა პირველი წითელი ოკულტური "ბონაპარტი".

მაგალითად, 1917 წლის 27 მარტს ტროცკიმ დატოვა ამერიკა, თავისი ადრინდელი თავშესაფარი, და ნორვეგიული გემით რევოლუციამდელ რუსეთს მიაშურა. ბორტზე ის აღმოჩნდა მილიონერ ჩარლზ კრეინთან ერთად. ზუსტად არის ცნობილი, რომ ფინანსური მაგნატი კრეინი, რომელსაც ძალზედ დიდი ზეგავლენა გააჩნდა პრეზიდენტ ვუდრო ვილსონსა და მრავალ ამერიკელ სენატორზე (მას ამერიკის "რუხ კარდინალსაც" კი უწოდებდნენ), მსოფლიოში ერთ-ერთ ყველაზე გავლენიან მასონურ ლოჟას ხელმძღვანელობდა.

ასე თუ ისე, დაახლოებით მაინც თუ შეგვიძლია ვთქვათ რატომ გეშურა ტროცკი რუსეთისკენ, სრულიად გაუგებარია იმის შეცნობა თუ რამ აიძულა საკმაოდ დასაქმებული კრეინი შედგომოდა საზღვაო მოგზაურობას ამავე ქვეყნისკენ. თუმცა, ამ ნორვეგიული გემის მარშრუტს თუ მიავადებნებთ თვალს, ყველაფერი ნათელი გახდება. თავის გზაზე გემი ჯერ შედის ჰალიფაქსში, სადაც ტროცკის რატომღაც აპატიმრებენ. მაგრამ მალე მასთან ციხეში შემოდის მი-6-ის ლეიტენანტი და ინგლისის საგარეო დაზვერვის აგენტი ვინმე რეილი. ამის შემდეგ რუს ემიგრანტს ათავისუფლებენ, თანაც ტროცკის ჯიბეში აღმოჩნდება იმ დროისთვის საკმაოდ დიდი თანხა - ათი ათასი დოლარი.

ტროცკის გათავისუფლება რეილის მოსთხოვა ამერიკელმა ბანკირმა, რომელსაც უპრობლემოდ უნდა ჩაეყვანა ლევ დავიდოვიჩი რუსეთში.

დღეს ბევრმა არ უწყის, რომ რევოლუცია სინამდვილეში მოაწყო არა ლენინმა, არამედ ტროცკიმ, რომელმაც ჯერ კიდევ პეტროსოვეტის თავმჯდომარედ ყოფნის დროს გამოიყვანა ხალხი და წითელარმიელები პეტროგრადის ქუჩებში. უნდა ითქვას, რომ იმ დროისთვის ლევ ტროცკი უკვე საკმაოდ კარგად იყო მომზადებული საკუკთარი მისიის აღსასრულებლად. უსაზღვრო იყო მისი გავლენა მრავალათასიან ბრბოზე. მისი გამოსვლების ენერგიით დამუხტული ადამიანები მზად იყვნენ თავგანწირვისთვის.

ლევ დავითის ძე ტროცკის ადრეც ჰქონდა კარგი ორატორის ავტორიტეტი, მაგრამ, თანამებრძოლების აზრით, აშშ-დან მისი დაბრუნების შემდეგ მისმა უნარმა ზეგავლენა მოეხდინა გარშემომყოფ ადამიანებზე წარმოუდგენელ მწვერვალებს მიაღწია. შესაძლოა, ოკეანისგაღმელმა ინსტრუქტორებმა მას რაღაც განსაკუთრებულად ეფექტური ხერხები ასწავლეს.

მაგალითად, ტროცკის ქცევაში შეიმჩნეოდა უცნაური ნიშნები, რომელიც ძველი ეგვიპტის მოგვებისთვის იყო დამახასიათებელი. ის ყველაფერს ისე აკეთებდა, როგორც ფრესკებზე იყო გამოსახული: მაგალითად გაშლილი ხელების მაღლა აქნევა. პირამიდების ქვეყნის მოგვების რწმენით, ასეთი ჟესტი ეხმარება ორატორს დაიმუხტოს ზეცის ენერგიით და აკონტროლოს ადამიანები.

სწორედ ამერიკაში მოუშვა ლევ დავითის ძემ კონუსური წვერი. საინტერესოა აღინიშნოს, რომ ძველი ეგვიპტელების აზრით, პატარა წვერი ფარაონს მაგიურ ძალას ანიჭებდა.

ლევ (ლეიბა) ტროცკი (ბრონშტეინი)

იმ ავადმოსაგონარი ჩვიდმეტი წლის (იგულისხმება 1917 წ. - რედ.) ოქტომბერში ძალაუფლება დროებით ბოლშევიკების ხელში აღმოჩნდა. ახალ მმართველებს დრო ცოტა ჰქონდათ, მდგომარეობა - მყიფე. სწორედ მაშინ დაიწყო ყველაზე საშინელი რამ: ბრძოლა მილიონთა ცნობიერებისთვის.

ტროცკიმ, რომელმაც დეტალურად შეისწავლა მასონური შრომები, იცოდა, რომ ნამდვილი ძალა პოლიტიკოსებისა და სამხედროების ხელში როდია. ამ ძალას მოგვები ფლობენ - სულთა მბრძანებლები, ახალი რელიგიის ბატონები. ხოლო ადამიანებმა რომ მისი ირწმუნონ, საჭიროა განადგურდეს ძველი და მოყირჭებული რელიგია.

1918 წელს ტროცკი რუსეთში დაატარებდა იუდას ქანდაკებებს, რომელთაც სპეციალურად კრემლში ამზადებდნენ. ერთ-ერთი მათგანი საზეიმოდ დადგეს ქ. სვიაჟსკში. ეს იყო მთავარი დარტყმა მართლმადიდებლური, პატრიარქალური რუსეთის წინააღმდეგ. იუდას ქანდაკება, ეკლესიების დანგრევა, წმიდა ნაწილების ამოღება და განადგურება - ეს ყველაფერი ტროცკის ერთ მიზანს ემსახურებოდა. ბოლშევიკები ანადგურებენ რუსეთის ქრისტეანულ სიმბოლოებს, მაგრამ ღმერთი დუმს და არ სჯის წითელ უღმერთოებს. ეს კი ნიშნავს, რომ ღმერთი ან არ არის, ან კიდევ უძლურია და უსუსური იმ ძალის წინაშე, რომელიც დგას ბოლშევიკების უკან. ასეთი იყო ბოლშევიკების ლოგიკა და მინიშნება მასებისადმი.

ამ მიმართულებით ყველა სამუშაოს კურირებდა ძერჟინსკის მოადგილე, თავგამოდებული ტროცკისტი გლებ ბოკი - ВЧК-ს (სრულიად რუსეთის საგანგებო კომისია. სრული სახელი: Всероссийская чрезвычайная комиссия по борьбе с контрреволюцией и саботажем - რედ.). გარდა ამისა, ბოკი მასონთა ფრანგული ლოჟის წევრიც იყო. სწორედ მან შექმნა 1921 წელს საბჭოთა მასონური ლოჟა სახელწოდებით "Единое трудовое братство" ("ერთიანი შრომითი ძმობა").

გლებ ივანეს ძე ბოკი
(Бокий Глеб Иванович)

იგივე ბოკი 1918 წელს ეხმარება ბეხტერევს მოაწესრიგოს ტვინის ინსტიტუტის მუშაობის ორგანიზება. ამგვარად, ჩეკისტების განკარგულებაში ექცევა იმ დროისთვის ყველაზე ნაკლებად შესწავლილი დარგის, - ტვინისა და ფსიქიური ქცევის სპეციალისტები.

თანამედროვეთა გადმოცემის მიხედვით, სწორედ ბეხტერევისგან გაიგო ბოკიმ კოლის ნახევარკუნძულის უცნაურ ფსიქიკური ფენომენის შესახებ, სადაც ადამიანები მასობრივად გიჟდებოდნენ. ამ რეგიონში იმწამსვე დაინიშნა ექსპედიცია, რომლის ერთმა მონაწილემ ივარაუდა, რომ ამ რეგიონში ადამიანის მოჭარბებული ემოციურობა და შთაგონებადობის უნარი კოსმიური სხივებით იყო გამოწვეული. ამ სხივების უმეტეს ნაწილს ირეკლავს დედამიწის ელექტრომაგნიტური ველი. მაგრამ ჩრდილოეთის პოლუსსა და მის მიმდებარე ტერიტორიებზე ამ ველის მოქმედება მცირეა. თავიანთ ჰიპოთეზას სპეციალისტები აგებდნენ იმაზე, რომ უცნაური დაავადების ეპიდემია, რომელსაც "პოლარული სინდრომი" შეარქვეს, უფრო ხშირად ჩრდილოეთის ციალის დროს იჩენდა ხოლმე თავს, ანუ მაშინ როდესაც დედამიწა ყველაზე მეტად არის დაქვემდებარებული კოსმიურ ზეგავლენას.

ამ ფენომენის შესასწავლად საჭირო იყო სტაციონარული ლაბორატორიები, რომლებსაც შეეძლოთ ემუშავათ უშუალოდ ჩრდილოეთში.

ამის საფუძველზე ბოკი თავის თანამოაზრეებთან ერთად და სტალინის თანხმობით ქმნის განსაკუთრებული დანიშნულების სოლოვეცკის ბანაკს. 1923 წლის 6 ივნისს სოლოვკებში ჩამოდის მსჯავრდებულთა პირველი ნაკადი. ყველა ე. წ. "ხალხის მტრები" ცნობილი მეცნიერები იყვნენ, რომლებიც შორს იდგნენ კონტრრევოლუციური საქმიანობისგან. აქ შეჰკრიბეს ქვეყნის საუკეთესო ინტელექტუალური ძალები, დაწყებული მხატვრებიდან დამთავრებული ბიოლოგებით.

ერთ-ერთი ყველაზე იდუმალებით მოცული პატიმარი გახლდათ მისტიკოსი და სწავლული ფილოსოფოსი პავლე ფრლორენსკი. ბოკის ოკულტური განყოფილება მისით მაშინ დაინტერესდა, როდესაც მან 1922 წელს გამოსცა თავისი ფილოსოფიურ-მისტიკური ტრაქტატი სახელწოდებით: "მოჩვენებითობა გეომეტრიაში". მასში ფლორენსკი ხატავს სამყაროს ისეთ სურათს, რომელიც მეცნიერებისთვის მიუწვდომელი კანონებით ცხოვრობს. მისი მტკიცებით, ანგელოზთა და დემონთა მისტიკური სამყარო ნამდვილად არსებობს, მეტიც, შესაძლებელია შეღწევა მათ გარემოში.

ოფიციალურად ცნობილია, რომ ფლორენსკი კაბალის დიდი მცოდნე და სპეციალისტი იყო. საკონცენტრაციო ბანაკში ის ეწეოდა სამეცნიერო მუშაობას. კერძოდ, მას აინტერესებდა წყალმცენარეები, რომელთაგან ცდილობდა იოდისა და აგარ-აგარის მიღებას. იმდროინდელი მეცნიერები მიიჩნევდნენ, რომ იოდს შეუძლია ადამიანის ტვინზე ზემოქმედება და მისი ზომბად გარდაქმნა.

ძნელი წარმოსადგენია რა სახის ექსპერიმენტები შეიძლებოდა ჩაეტარებინათ ჩრდილოეთის საიდუმლო ლაბორატორიებში. გლებ ბოკიმ ხომ თავის ხელქვეითებთან ერთად იდუმალების საფარქვეშ საგულდაგულოდ დამალა მათი არსი. იმის შემდეგ, რაც ლაბორატორიები დახურეს, ბანაკის მთელი მომსახურე პერსონალი ფიზიკურად გაანადგურეს.

ადამიანის ცნობიერებით მანიპულაცია ОГПУ-ს (Объединенное государственное политическое управление - გაერთიანებული სახელმწიფო პოლიტიკური სამმართველო - რედ.) მხოლოდ ერთ-ერთი მიმართულება გახლდათ. ბოკი ფრანგი მისტიკოსის სენტ-ივ დ'ალვეიდრას თაყვანისმცემელი გახლდათ, რომელიც მიიჩნევდა, რომ ჩვენზე უწინ დედამიწაზე ცხოვრობდა უფრო მძლავრი და განვითარებული ცივილიზაცია. ძველი რასის შესახებ წერდნენ მანამდეც და მას შამბალას ან აგარტის უწოდებდნენ. დ'ალვეიდრას თანამოაზრეები ამტკიცებდნენ, რომ ეს ცივილიზაცია დაიღუპა ბუნებრივი კატაკლიზმის შედეგად (წარღვნა - ? - რედ.). მაგრამ თვით სენტ-ივ დ'ალვეიდრა ამტკიცებდა, რომ ძველი რასის შთამომავლები დღემდე ცხოვრობენო დედამიწაზე. სავარაუდოდ, აგარტი სადღაც ტიბეტისა და ავღანეთის საზღვარზე მდებარეობს.

დ'ალვეიდრას თეორიის მომხრე ბოკიმ დაითანმა ძერჟინსკი გაეშვა ექსპედიცია ამ რეგიონში. მისი მიზანი იყო შამბალის მემკვიდრეობის მოძიება. ექსპედიციას გაუძღვა ГПУ-ს (სახელმწიფო პოლიტიკური სამმართველოს - რედ.) მეთაური იაკობ ბლუმკინი. ტიბეტური ექსპედიციის დაბრუნების შემდეგ ის ჰყვებოდა, რომ ტიბეტელი ლამების მიწისქვეშა საცავებში ნახა ზეიარაღი, რომელსაც ირგვლივ ყველაფრის განადგურება ძალუძს. მაგრამ ამ დროისთვის გარდაიცვალა მისი მფარველი ძერჟინსკი, ხოლო მის ნაცვლად მოსული მენჟინსკი ამბობდა, რომ ბლუმკინი იყო გერმანული სპეცსამსახურების აგენტი. საბჭოელთა ქვეყნის მთავარი მზვერავი არ ცდებოდა. ბლუმკინი მართლაც იყო გერმანული დაზვერვის სამსახურში და ცდილობდა მათთვის მიეყიდა ტიბეტელი ლამების საიდუმლო. ბლუმკინის ინიციატივა ცნობილი გახდა, ის დააპატიმრეს და დახვრიტეს. რამოდენიმე ხნის შემდეგ კი რეპრესიები დაატყდა თვით ბოკის.

მასონობას მრავალი სიმბოლო გააჩნია, მაგრამ ძირითადი მაინც არის ორი: ხუთქმიანი ვარსკვლავი, რომელიც რუსეთში ტროცკიმ შემოიტანა, და - ექვსქიმიანი ციფრით 6 ყოველ კუთხეში.

საბჭოთა კავშირი უკვე აღარ არის, მაგრამ რუსეთის ცენტრში, მოსკოვში, მის ერთ-ერთ ყველაზე ცენტრალურ, "წითელ" მოედანზე, კვლავაც განისვენებს ოკულტური საბჭოეთის ბელადის, ვლადიმერ ლენინის "უხრწნელი" გვამი, რომელსაც თავზე "დაჰკიაფებენ" ხუთქიმიანი, ოკულტური ვარსკვლავები.

წყარო: tainy.net

apocalypse.ge



Комментариев нет:

Отправить комментарий