ღმერთი

ღმერთი

среда, 14 мая 2014 г.

სულიერი სწავლებანი. 9

არ იფიქრო, რომ ძნელი დროება ან მდგომარეობა, ანდა რაიმე აუცილებლობა და იძულება, ან თუნდაც მთავრობათა ძალადობა შეიძლება ცოდვების გასამართლებლად გამოგადგეს.

იოანე ოქროპირი


სიმდაბლე თავისი სიმაღლით ეშმაკის ყველა ბადეს აღემატება; მდაბალი ადამიანი მტრისათვის მიუღწეველია.

ბასილი დიდი


ღვთის წყალობაა, როცა საშუალება გაქვს ვინმეს მიუტეო, ან სხვა რამ კეთილი საქმე გაუკეთო.

ღირსი ამბროსი ოპტინელი


ადამიანი, სანამ ბოროტებას სჩადის, სიკეთის გაკეთებას ვერ შეძლებს, მხოლოდ ის შეუძლია, რომ ბოროტება სიკეთის ნიღბით შემოსოს.

ღირსი ისაია განდეგილი


არ უნდა გადავრბოდეთ ერთი საქმიდან მეორეზე, რადგან ჩვენ ბუნებას არ შეუძლია მოასწროს სხვადასხვა საქმიანობა; შრომისმოყვარეობით მიადგე ერთ საქმეს უფრო სასარგებლოა, ვიდრე ზედაპირულად შეეხო მრავალს.

ბასილი დიდი


არაფერი ისე არ უწყობს ხელს ცოდვების მიტევებას, როგორც უბოროტობა.

მღვდელმოწამე პეტრე დამასკელი


როგორც ღმერთკაცმა გამოსახსნელი ნათესავისათვის თავით თვისით ადამი შეცვალა და მათთვის დასაბამი ნათესავისა შეიქმნა, ასევე ღვთისმშობელმა შეცვალა მათთვის ევა, და მათ დედად შეიქმნა.

მღვდელმთავარი ეგნატე (ბრიანჩანინოვი)


მოყვასზეა დამოკიდებული ჩვენი სიცოცხლეც და სიკვდილიც, რადგან თუ ვიპოვით ძმას, ვიპოვით ღმერთსაც, ხოლო თუ ვაცდუნებთ ძმას, ამით ქრისტეს წინაშე ვცოდავთ.

აბბა ანტონი


ყოველნაირად უნდა ეცადო, რომ მოყვასი არ გაანაწყენო, რადგან უფრო იოლია ღმერთთან შერიგება, ვიდრე მოყვასთან.

ბერი ალექსანდრე. გეთსიმანიელი


როგორც ადამიანებთან დამოკიდებულებაში, ასევე ნებისმიერ საქმეში უფლის სიტყვის ზუსტი დაცვა გვმართებს; მიკერძოებით არაფერი ვაკეთოთ.

ბასილი დიდი


სიმდაბლით შემოსილი გამოეცხადა ღმერთი ადამიანებს, ამიტომ სიმდაბლეშემოსილი ადამიანი ღვთის მსგავსია.

პატერიკონი


ადამიანის ხსნის მტერთან ბრძოლაში სიმდაბლით ისარგებლე: მდაბალი ყოველთვის მიწაზე წევა და სადღა უნდა დაეცეს? მაღლა მდგომი კი მუდამ ჩამოვარდნის საშიშროების წინაშე დგას.

ბარსანოფი დიდი და იოანე წინასწარმეტყველი


მრავალნი ვუწოდებთ ჩვენს თავს ცოდვილს და შესაძლოა ასეც ვფიქრობდეთ, მაგრამ გულის სიმდაბლეს სხვებისგან მიყენებული შეურაცხყობა გამოცდის.

ღირსი იოანე სინელი


შეუძლებელია იცხოვრო აქ ჭეშმარიტი და ღირსეული ცხოვრებით, თუკი სიკვდილისათვის არ ემზადები, ანუ მუდმივად არ ფიქრობ სიკვდილზე, მარადიულ ცხოვრებაზე.

სქემმონოზონი საბა


დავუტევოთ მართას საზრუნავი და გამოვირჩიოთ მარიამის კეთილი ნაწილი, ანუ სწრაფვა ღვთის სიტყვის მოსასმენად და მის აღსასრულებლად.

სქემმონოზონი საბა.


რწმენის შედეგია: სიყვარული, მშვიდობიანობა, ლმობიერება, თავდმდაბლობა, ჯვრისმტვირთველობა და სულისმიერი ცხოვრება. მხოლოდ ასეთი რწმენა შეერაცხება ადამიანს სიმართლედ.

ღირსი სერაფიმე საროველი.


არ არსებობს საღვთო სასუფევლის კარების სხვა გასაღები, გარდა ქრისტეს ჯვარისა.

მღვდელმთავარი ეგნატე (ბრიანჩანინოვი)


თუკი ყოველი ამაო სიტყვისათვის მოგვიწევს პასუხისგება, მაშინ მით უფრო – უკეთური საქმეებისათვის, თუ, რა თქმა უნდა, ჭეშმარიტი სინანულით ლმობიერს არ ვჰყოფთ უცდომელ მსაჯულს.

ღირსი ეფრემ ასური


ვუყურებ არა იმის ხარისხს, რაც კეთდება არამედ მისი შემსრულებლის გულის განწყობას.

იოანე ოქროპირი



kvirike.ge






Комментариев нет:

Отправить комментарий